جوعالعان جىگىت

توعىز جىلدان كەيىن تابىلدى وسىدان ون جىلداي بۇرىن اياق استىنان جوعالىپ كەتكەن ازاماتتى اتا-اناسى امان-ەسەن تاۋىپ, شەكسىز قۋانىپ جاتىر. مۇنداي دا بولادى ەكەن. قاراعاندىدان 57 شا­قىرىم جەردەگى اقتاۋ كەن­تىندەگى تسەمەنت زاۋىتىندا كۇزەتشى بولىپ ىستەپ جۇرگەن مەيىرجان قالياكپاروۆ 2007 جىلعى ءساۋىر ايىنىڭ سوڭىندا زىم-زيا جوعالىپ كەتكەن. سول كەزدە ونىڭ جاسى 26-دا ەدى. جۇمىسىنان قايتپاعان جىگىتكە اتا-اناسى كوپ كەشىك­تىرمەي ىزدەۋ سالادى. بەلگىلى «بارمىسىڭ, باۋ­ىرىم؟», «جدي مەنيا» تەلەحابارلارى ارقىلى دا زار يلەدى. جا­قىندارى مەن دوستارى اياق جەتكەن جەردىڭ بارىنە حابارلاندىرۋ ءىلدى. ىزدەستىرۋ ەش ناتيجە بەرمەگەن سوڭ, پوليتسيا دا شاراسىزدىق تانىتىپ, اتپالداي ازاماتتى ءىز-ءتۇزسىز كەتكەندەر ساناتىنا جاتقىزىپ ەدى. ءسۇيىنشى حابار دا وي­لاماعان جەردەن جەتتى. جا­قىندا جوعالعان جىگىتتىڭ مەكتەپتە بىرگە وقىعان دوس­تارى باس قوسا قالعان ەكەن. سوندا ولاردىڭ ءبىرى ونىڭ جوعالىپ كەتكەنى تۋرالى حاباردى ەستىپ: «جوعالعانى نەسى, مەن ونى جا­قىندا عانا تەمىرتاۋداعى ءبىر فيرمادان كوردىم», – دەپ قويىپ قالادى. وسى حابار جەتىسىمەن جوعالعان جىگىتتىڭ تۋعاندارى ىرگەدەگى تەمىر­تاۋعا جەتىپ بارادى. سويتسە, م.قالياكپاروۆ شىنىمەن دە الگى جولداسى ايتقان كاسىپورىندا ءجۇر ەكەن. بايعۇس جىگىتكە نە بول­عانىن قايدام, ايتەۋىر, 26 جاسىنا دەيىنگى ءومىرى جادىنان ءوشىپ قالعان. ءتىپتى, تۋعان اناسىن دا تانىماي قالىپتى. نە بولسا دا جاقسى نارسە ەمەس, قۇداي باسقا بەرمەسىن دەيتىندەي جايت. قازىر ازاماتتى اناسى ارنەنى سۇراپ ءوزى دە مازالامايدى, وزگەنىڭ دە قازبالاعانىن قالامايدى. وعان قازىر تىنىشتىق كەرەك, وتكەنىن ەسكە ءتۇسىرىپ, قالىپتى ءومىر­گە قاي­تاراتىنداي جاعداي جاساۋ قاجەت. ون ەكى مۇشەسى امان تابىل­عانىن ايتىڭىز. وڭگەسى ورنىنا كەلەر... قايرات ءابىلدينوۆ, «ەگەمەن قازاقستان» قاراعاندى