سەنات كوميتەتتەرىنىڭ توراعالارى يكرام ادىربەكوۆ پەن سەرىك اقىلباي «دىندەر تەرروريزمگە قارسى» حالىقارالىق كونفەرەنتسياسىنا قاتىسۋ ءۇشىن استاناعا كەلگەن گفر بۋندەستاگىنىڭ دەپۋتاتى, ەۋروپا كەڭەسى پارلامەنتتىك اسسامبلەياسىنداعى گەرمانيا دەلەگاتسياسىنىڭ باسشىسى اكسەل فيشەرمەن كەزدەستى.
كەزدەسۋ بارىسىندا ي.ادىربەكوۆ مەيمانعا بۇل ساپاردىڭ ەكى ەل پارلامەنتتەرى اراسىنداعى ءوزارا ءىس-قيمىلعا جاڭا سەرپىن بەرەتىنىنە, سونداي-اق, ەكپا جانە ەقىۇ پا اياسىنداعى قازاقستان مەن گەرمانيا دەلەگاتسيالارى اراسىنداعى جەمىستى ىنتىماقتاستىققا جاردەمدەسەتىنىنە سەنىم ءبىلدىردى.
س.اقىلباي مەيماندى «100 ناقتى قادام» ۇلت جوسپارىن ىسكە اسىرۋ اياسىنداعى پارلامەنتتىڭ قىزمەتى, سونداي-اق, زاڭ ۇستەمدىگىن قامتاماسىز ەتۋگە باعىتتالعان سوت جۇيەسىنىڭ رەفورمالارىن جۇزەگە اسىرۋ بارىسى تۋرالى حاباردار ەتتى.
ا.فيشەر تەرروريزم مەن ەكسترەميزم قاتەرلەرىمەن كۇرەس ماقساتىندا ءدىني جانە ساياسي قايراتكەرلەرگە اشىق ۇنقاتىسۋ ءۇشىن ورتاق الاڭ ۇسىنعان قازاقستاننىڭ ۇلەسىن جوعارى باعالادى.
كەزدەسۋگە قازاقستان رەسپۋبليكاسى پارلامەنتى سەناتىنىڭ دەپۋتاتى گەورگي كيم جانە ەكپا ساياسي ماسەلەلەر جونىندەگى كوميتەتىنىڭ حاتشىسى پاۆەل شەۆچەنكو قاتىستى, دەپ حابارلادى پارلامەنت سەناتىنىڭ ءباسپاسوز قىزمەتى.