كەشە «1 ماۋسىم – حالىقارالىق بالالاردى قورعاۋ كۇنى» اياسىندا «اتامەكەن» ۇكپ ىسكەر ايەلدەر كەڭەسىنىڭ II كونگرەسى ءوتتى. «قازاقستان – جاڭا مۇمكىندىكتەر» تاقىرىبىنداعى كەزدەسۋگە ەلىمىزدىڭ ىسكەر ايەلدەرى مەن پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتورايىمىنىڭ ورىنباسارى ءلاززات سۇلەيمەن مەن «اتامەكەن» ۇلتتىق كاسىپكەرلەر پالاتاسىنىڭ باسقارما توراعاسى ابىلاي مىرزاحمەتوۆ قاتىستى.
نازىكجاندىلاردىڭ كاسىپكەرلىكتى دامىتۋداعى رولىنە ارنالعان كونگرەسس سەسسياسىن اشقان «اتامەكەن» ۇكپ ىسكەر ايەلدەر كەڭەسىنىڭ ءتورايىمى ءلاززات رامازانوۆا ءبىر جىل ءىشىندە اتقارىلعان جۇمىس ءناتيجەسىمەن ءبولىستى. ونىڭ ايتۋى بويىنشا, ىسكەر ايەلدەر كەڭەسى ءار ءوڭىردى ارالاي كەلە, ايماقتارداعى ارۋلاردىڭ كۇش-جىگەرىنە سەنىپ, ءوز بەتىنشە كاسىپ اشۋىنا قولعابىس ەتە وتىرىپ, ولارعا كاسىپكەرلىك سالاسىندا باق سىناۋعا سەپتەسۋدە. جانە دە ماركەتينگتىك قىزمەت كورسەتىپ, قاجەت ماماندىقتار جونىندە كەڭەستەر بەرىلىپ, بيزنەس-جوسپار قۇرۋعا جانە قۇجاتتار جيناۋعا كومەگىن بەرەدى, دەيدى كەڭەس ءتورايىمى. سونىمەن قاتار, ۇلتتىق پالاتانىڭ ىسكەر ايەلدەر كەڭەسىنىڭ قولداۋىمەن كوپتەگەن بىرەگەي, الەۋمەتتىك جانە يننوۆاتسيالىق جوبالاردىڭ جۇزەگە اسقانىن جەتكىزدى.
جيىن بارىسىندا «اتامەكەن» ۇكپ-نىڭ ىسىنە ادالدىعى ءۇشىن ارنايى ماراپاتتالعان كاسىپكەر ايەلدەر ورتاعا شاقىرىلدى. بۇل رەتتە ءسوز العان ۇلتتىق پالاتانىڭ باسقارما توراعاسى ا.مىرزاحمەتوۆ جيىلعان قاۋىمدى «اتامەكەن» ۇقپ تورالقا توراعاسى تيمۋر ق ۇلىباەۆتىڭ جانە باسقارمانىڭ اتىنان قۇتتىقتادى. سونىمەن قاتار, ول ءبىر جىل ىشىندە ىسكەر ايەلدەر كەڭەسىنىڭ جۇمىسى جوعارى جىلدامدىقپەن جاندانا تۇسكەنىن جەتكىزدى.
جيىندا كەلەسى ءسوز العان پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيا ءتورايىمىنىڭ ورىنباسارى ءلاززات سۇلەيمەن بارشانى ۇلتتىق كوميسسيا اتىنان «اتامەكەن» ۇكپ ىسكەر ايەلدەر كەڭەسىنىڭ II كونگرەسىنىڭ اشىلۋىمەن قۇتتىقتاي وتىرىپ, بۇگىنگىدەي ىسكەر ايەلدەر وتىرىسىندا نازىكجاندىلاردىڭ جۇمىسىن جانداندىرۋدا ايتىلاتىن ۇسىنىستار, وي-پىكىرلەر ەلدىڭ سەرپىندى دامۋىنا, حالىقتىڭ ەكونوميكالىق-الەۋمەتتىك الەۋەتىن ارتتىرۋعا ءوز ۇلەسىن قوساتىنىن ايتتى. سونداي-اق, ەلىمىزدە ۇلكەن بەدەلدى ۇيىمعا اينالىپ وتىرعان «اتامەكەن» ۇكپ باستاماسىمەن قۇرىلعان ىسكەر ايەلدەر كەڭەسىنىڭ ءبىر جىلدىق جۇمىسىنا جوعارى باعا بەردى.
ەلميرا ماتىباەۆا,
«ەگەمەن قازاقستان»