الماتى. 1 ماۋسىم. يتاليانىڭ ميلان قالاسىندا «گازپرومنىڭ» «فۋتبول دوستىق ءۇشىن» اسا اۋقىمدى الەۋمەتتىك جوباسىنىڭ اياسىندا ءتورتىنشى حالىقارالىق بالالار فورۋمى اياقتالدى. بۇل تۋرالى Football for friendship حالىقارالىق ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
بيىل بۇل فورۋم افريكا, ازيا, ەۋروپا جانە وڭتۇستىك امەريكا ەلدەرىنىڭ جاس فۋتبولشىلارىن جيناعان.
فورۋمنىڭ باستى وقيعاسى – توعىز قۇندىلىقتار كۋبوگىن تابىستاۋ سالتاناتى. ايرىقشا ماراپات جىل سايىن الەۋمەتتىك جاۋاپكەرشىلىك سالاسىنداعى كورنەكى جەتىستىكتەرى ءۇشىن كاسىبي فۋتبول كلۋبتارىنىڭ بىرىنە بەرىلەدى. جەڭىمپازدى تاڭداۋعا بۇكىل الەمدەگى جانكۇيەرلەر قاتىسادى, بىراق سوڭعى شەشىمدى «فۋتبول دوستىق ءۇشىن» جوباسىنىڭ قاتىسۋشىلارى داۋىس بەرۋ ارقىلى قابىلدايدى. بيىلعى كۋبوكتىڭ يەگەرى – گەرمانيانىڭ «باۆاريا» فۋتبول كلۋبى اتاندى.
«دوستىق ءۇشىن فۋتبول» جوباسىنىڭ قاتىسۋشىلارى كلۋبتىڭ مۇمكىندىكتەرى شەكتەۋلى بالالاردى قولداۋ جونىندەگى قىزمەتىن, سونداي-اق ءار ەلدەگى ناۋقاس بالالاردى ەمدەۋ مەن مۇقتاج جاندارعا كومەكتەسۋ سياقتى باستامالارىن اتاپ وتكەن.
فورۋمنىڭ وقيعالارىن الەمنىڭ جەتەكشى بۇقارالىق اقپارات قۇرالدارىنىڭ 200 ءتىلشىسى, سونداي-اق جوباعا قاتىسۋشى-ەلدەردىڭ جاس جۋرناليستەرىنەن قۇرالعان حالىقارالىق بالالار ءباسپاسوز ورتالىعى جارىقتاندىردى.
«فۋتبول دوستىق ءۇشىن» جوباسىنا 32 ەل قاتىسادى. ولاردىڭ قاتارىندا – سيريا, تۇركيا, ارمەنيا جانە ازەربايجان بار. جىل سايىن جوباعا قاتىسۋشىلاردىڭ سانى ارتۋدا. بالالار ءۇشىن مادەنيەت پەن داستۇرلەردىڭ ايىرماشىلىعىنا قاراماستان, بەيبىتشىلىك پەن دوستىق ۇعىمدارىنىڭ ءبىرىنشى كەزەكتە تۇراتىنىن بىلدىرەدى. ۇلدار مەن قىزدار ءبىر-ءبىرىن سىيلاۋدى ۇيرەنىپ قانا قويماي, ماڭىزدى ادامزات قۇندىلىقتارىنىڭ وزىندىك ەلشىلەرىنە اينالادى. بۇل جوبا ولارعا مۇنى ىسكە اسىرۋعا كومەكتەسەدى. كۇشىمىزدى بىرىكتىرىپ, الەمدى جاقسى جاققا وزگەرتە الامىز دەگەن سەنىمدەمىن», – دەدى «گازپروم» باسقارما توراعاسى الەكسەي ميللەر.
«بيىل باعدارلامانى, ونىڭ ماقسات-مىندەتتەرىن ايشىقتايتىن ماراپاتتى «باۆاريا» فۋتبول كلۋبىنىڭ يەلەنىپ وتىرعانىنا قۋانىپ وتىرمىن. توعىز قۇندىلىقتار كۋبوگى – بۇل ەڭ ادال ادامدار – بالالاردىڭ ءوزى بەرەتىن باعا. ءدال وسى جايت اتالمىش كۋبوكتى كەز كەلگەن كلۋب ءۇشىن ايرىقشا بەدەلدى ماراپاتقا اينالدىرىپ وتىر», – دەدى ايگىلى نەمىس فۋتبولشىسى, «فۋتبول دوستىق ءۇشىن» جوباسىنىڭ جاھاندىق ەلشىسى فرانتس بەككەنباۋەر.
ايناش ەسالي.
دەرەك, فوتو: Football for friendship حالىقارالىق ءباسپاسوز قىزمەتى.