كەشە الەمدىك جانە ءداستۇرلى دىندەر كوشباسشىلارى سەزى حاتشىلىعى جۇمىس توبىنىڭ كەزەكتى وتىرىسى بولىپ ءوتتى.
سەزد حاتشىلىعى جۇمىس توبىنىڭ بۇل وتىرىسى الەمدىك جانە ءداستۇرلى دىندەر كوشباسشىلارى سەزىنىڭ نەگىزگى جۇمىس ورگانى بولىپ تابىلاتىن سەزد حاتشىلىعىنىڭ XV وتىرىسىنىڭ قارساڭىندا وتكىزىلىپ وتىر.
مادەنيەت جانە سپورت ۆيتسە-ءمينيسترى – سەزد ماقساتتارى مەن مىندەتتەرىن ىلگەرىلەتۋ جونىندەگى ۋاكىل مارات ءازىلحانوۆ پەن سىرتقى ىستەر ءمينيسترىنىڭ ورىنباسارى – سەزد حاتشىلىعى توراعاسىنىڭ ورىنباسارى ەرجان اشىقباەۆتىڭ جەتەكشىلىگىمەن وتكەن سەزد حاتشىلىعى جۇمىس توبىنىڭ وتىرىسىندا 1 ماۋسىمدا ەلوردادا وتەتىن سەزد حاتشىلىعىنىڭ XV وتىرىسىنىڭ كۇن ءتارتىبى تالقىلاندى.
وتىرىستا, سونىمەن قاتار, 2015 جىلى وتكەن V سەزدىڭ جانە سەزد حاتشىلىعىنىڭ ءXىV وتىرىستارىنىڭ ناتيجەلەرى بويىنشا ايتىلعان دىنارالىق ۇنقاتىسۋعا قوسقان ۇلەسى ءۇشىن استانا حالىقارالىق سىيلىعىن تاعايىنداۋ, الەمدىك جانە ءداستۇرلى دىندەر كوشباسشىلارى سەزىنىڭ قۇرمەت مەدالىمەن ماراپاتتاۋ, بەيبىتشىلىك جانە كەلىسىم مۋزەيىن قۇرۋ ماسەلەلەرى بويىنشا پىكىر الماسۋلار بولدى.
وتىرىستا, سونىمەن قاتار, ەلوردادا 2018 جىلى وتەتىن ءVى سەزدىڭ تاقىرىبى مەن كۇن تارتىبىنە ۇسىنىستار جانە سەزد حاتشىلىعىنىڭ ءXVى وتىرىسىن وتكىزۋ كۇنى مەن ورنىن بەلگىلەۋ ماسەلەلەرى تالقىلاندى.
سەزد حاتشىلىعى جۇمىس توبىنىڭ وتىرىسى كۇن تارتىبىندە كوتەرىلگەن ماسەلەلەر بويىنشا ورتاق كەلىسىم كورىنىس تاپقان حاتتاما قابىلداۋمەن اياقتالدى.
«ەگەمەن-اقپارات»