اتىراۋ. 31 مامىر. اتىراۋ وبلىسىنىڭ ماقات اۋداندىق سوتى قول سومكەسىندە سورا ساقتاعان تۇرعىنعا 63 630 تەڭگە مولشەرىندە ايىپپۇل سالدى. بۇل تۋرالى وبلىستىق سوتتىڭ ءباسپاسوز قىزمەتىنىڭ دەرەگىنە سۇيەنگەن egemen.kz ءتىلشىسى حابارلادى.
«سوتتالۋشى 2016 جىلدىڭ ناۋرىز ايىندا «الماتى – اتىراۋ» باعىتىنداعى جولاۋشىلار پويىزىنىڭ №3 ۆاگونىندا ءوزىنىڭ قول سومكەسىندە «گاشيش» تۇرىندەگى ەسىرتكى زاتىن ساقتاعانى ءۇشىن ۇستالعان. سوتتالۋشىنىڭ ءتۇسىندىرۋى بويىنشا اتالعان ەسىرتكى زاتىن ءوزىنىڭ جەكە باسىنىڭ پايدالانۋىنا بايلانىستى ساقتاعان. سوت ۇكىمىمەن سوتتالۋشى قىلمىستىق كودەكستىڭ 296-بابىنىڭ 2-بولىگىمەن كىنالى دەپ تانىلىپ, وعان وسى باپ بويىنشا 30 ايلىق ەسەپتىك كورسەتكىش مولشەرىندە, ياعني 63 630 تەڭگە ايىپپۇل جازاسى تاعايىندالدى», – دەيدى اتىراۋ وبلىستىق سوتىنىڭ ءباسپاسوز قىزمەتى.
جولداسبەك شوپەعۇل.
دەرەك: اتىراۋ وبلىستىق سوتىنىڭ ءباسپاسوز قىزمەتى.
فوتو: alashinform.kz.