اتىراۋ. 31 مامىر. اتىراۋ وبلىسىنىڭ اكىمى نۇرلان نوعاەۆتىڭ وكىمىمەن وبلىستىق تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى تاعايىندالدى. بۇل تۋرالى egemen.kz ءتىلشىسى حابارلادى.
اتالعان باسقارمانىڭ باسشىسى بولىپ قادىرجان ارىستانوۆ تاعايىندالدى.
ول 1958 جىلى تۋعان, ءبىلىمى جوعارى. 1979 جىلى گۋرەۆ پەداگوگيكالىق ينستيتۋتىن, 1988 جىلى الماتى اۋىل شارۋاشىلىق ينستيتۋتىن بىتىرگەن. ەڭبەك جولىن ورتا مەكتەپتە فيزيكا ءپانىنىڭ مۇعالىمى بولىپ باستاعان. كەيىن كومسومول ۇيىمىندا, كەڭشاردا جۇمىس ىستەگەن.
ەلىمىز تاۋەلسىزدىگىن العان تۇستا شاعىن كاسىپكەرلىكتە باعىن سىناعان. ءار جىلدارى «جازيرا» شاعىن مەملەكەتتىك كاسىپورنى ديرەكتورىنىڭ ورىنباسارى, «تەڭىز» سەرىكتەستىگى ديرەكتورىنىڭ ورىنباسارى, «ابكا», «انتاكو» مەكمەلەرىنىڭ ديرەكتورى بولعان.
2001-2007 جىلدارى اتىراۋ وبلىستىق اۋىل شارۋاشىلىعى باسقارماسىنىڭ باستىعى, اۋىل جانە بالىق شارۋاشىلىعى دەپارتامەنتىنىڭ ديرەكتورى بولىپ قىزمەت ەتتى. 2007-2008 جىلدارى «وردا-اگرو-ينۆەست» جاۋاپكەرشىلىگى شەكتەۋلى سەرىكتەستىگىنە باسشىلىق ەتكەن.
2008-2011 جىلدارى پارلامەنتى سەناتى اپپاراتىنىڭ اگرارلىق ماسەلەلەر جانە قورشاعان ورتانى قورعاۋ كوميتەتىمەن بايلانىس جونىندەگى ءبولىمنىڭ باس كونسۋلتانتىنىڭ مىندەتىن اتقارۋشى, وسى ءبولىمنىڭ باس كونسۋلتانتى, سودان سوڭ, تابيعات پايدالانۋ جانە اۋىلدىق اۋماقتاردى دامىتۋ جونىندەگى كوميتەتپەن بايلانىس جونىندەگى ءبولىمنىڭ باس كونسۋلتانتى, اگرارلىق ماسەلەلەر تابيعات پايدالانۋ جانە اۋىلدىق اۋماقتاردى دامىتۋ جونىندەگى كوميتەتپەن بايلانىس جونىندەگى ءبولىمنىڭ باس كونسۋلتانتى قىزمەتتەرىن اتقارعان.
جولداسبەك شوپەعۇل.
دەرەك, فوتو: اتىراۋ وبلىسى اكىمىنىڭ ءباسپاسوز قىزمەتى.