استانا. 31 مامىر. بۇگىن قىتاي حالىق رەسپۋبليكاسىنىڭ (قحر) 24 ايماعىندا ءبىلىم الىپ جۇرگەن قىتايداعى قازاق ستۋدەنتتەرى بىرلەستىگىنىڭ بەلسەندىلەرى ساياسي قۋعىن-سۇرگىن قۇرباندارىن ەسكە الدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
«بۇگىن ساياسي قۋعىن-سۇرگىن جانە اشارشىلىق جىلدارىندا قۇربان بولعانداردى ەسكە الۋ ءۇشىن ءوز ەركىمىزبەن ورازا ۇستاۋ ارقىلى ەسكە الىپ وتىرمىز. بۇل – ءبىزدىڭ قازاقستانداعى وتانداستارىمىزدى قولداۋ جانە قازاقستان تاريحىنا قۇرمەت كورسەتۋ. سەبەبى, وتكەنىمىزدى بىلمەي جاتىپ, العا جىلجي المايمىز», – دەدى قىتايداعى قازاق ستۋدەنتتەرى بىرلەستىگىنىڭ باسشىسى جىگەر قابين ۇلى.
ونىڭ ايتۋىنشا, بۇل شاراعا 2 مىڭنان استام ادام قاتىسقان.
ايتا كەتەيىك, قىتايداعى قازاق ستۋدەنتتەرىنىڭ بىرلەستىگىنە قحر-داعى قازاق دياسپوراسىنىڭ 15 مىڭنان استام ازاماتى كىرىپ وتىر.
ايان ءابدۋالي.
دەرەك, فوتو: inform.kz.