قاراعاندى. 31 مامىر. قاراعاندىداعى ورتالىق ساياباقتا كاتاماران قايىعىنان قۇلاعان ەر ادام سۋعا باتىپ كەتتى. بۇل تۋرالى وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
تاڭەرتەڭگى مەزگىلدە ەكى قىز بەن ەكى جىگىت جاعادا تۇرعان كاتامارانعا رۇقساتسىز ءمىنىپ, ساياباق كولىنىڭ ۇستىندە ساياحات قۇرعان. ءبىرشاما ۋاقىتتان كەيىن ەر ادامنىڭ ءبىرى كاتاماران ۇستىنەن قۇلاپ ءتۇسىپ, سۋعا باتىپ كەتكەن. جانىنداعى سەرىكتەرى وعان كومەككە ۇمتىلعانمەن, قۇتقارا الماعان.
قازىرگى تاڭدا قايعىلى وقيعا بويىنشا انىقتاۋ جانە الدىن-الا تەرگەۋ ءىس-شارالارى جۇرگىزىلۋدە.
قايرات ءابىلدينوۆ.
دەرەك, فوتو: قاراعاندى وبلىستىق توتەنشە جاعدايلار جونىندەگى دەپارتامەنتتىڭ ءباسپاسوز قىزمەتى.