بۇگىنگى تاڭدا قازاقستان رەسپۋبليكاسىنىڭ پرەزيدەنتى باستاماسىمەن 2003 جىلدان باستاۋ العان الەمدىك جانە ءداستۇرلى دىندەر ليدەرلەرىنىڭ سەزى بۇكىل الەمدىك قوعامداستىقتىڭ جانە قازاقستاننىڭ قوعامدىق-ساياسي ومىرىندەگى ەڭ ماڭىزدى جانە ەلەۋلى باستامالاردىڭ ءبىرى بولىپ تابىلادى. سەزگە الەمنىڭ تۇكپىر-تۇكپىرىنەن ءارتۇرلى دىندەر مەن كونفەسسيالار وكىلدەرىنىڭ قاتىسۋشىلارى قۇرامىنىڭ ءوزى الەمدىك دىندەردى بىرىكتىرەتىن جالپىادامزاتتىق ىرگەلى قاعيداتتار مەن ەتيكالىق نورمالاردان حابار بەرەدى.
سوناۋ 2003 جىلى وتكەن ءى سەزگە قاتىسۋشىلاردىڭ ءوز ۇندەۋىندە كوتەرگەن «ءدىني سەنىمدەر مەن ۇستانىمداردىڭ ارتۇرلىلىگى ءوزارا كۇماندانۋ, كەمسىتۋ جانە ءجابىرلەۋگە ەمەس, كەرىسىنشە, ءاربىر ءدىن مەن مادەنيەتتىڭ ءوزىندىك بىرەگەيلىگىن كورسەتەتىن ۇيلەسىمدىلىگىنە الىپ كەلۋى كەرەك» دەگەن باستى ويدى ودان كەيىنگى وتكەن سەزدەرگە قاتىسۋشىلار بەكەم ۇستانىپ كەلەدى.
ءوز ءدىني سەنىمىڭدى ەركىن ۇستانۋ جانە جەر بەتىندە قۇدايدىڭ ادامزاتقا بەرگەن ەڭ ۇلكەن سىيى بولىپ تابىلاتىن بەيبىتشىلىكتى, ءوزارا كەلىسىم مەن ءوزارا سەنىمدى ساقتاپ قالۋعا ۇمتىلۋدان كورىنىس تاباتىن جاۋاپكەرشىلىك – استانا فورۋمىنا قاتىسۋشىلاردى بىرىكتىرەتىن باستى قۇندىلىق ەكەنىنە سەنەمىن.
ءدال وسى ورتاق قۇندىلىقتار ءارقايسىمىزدىڭ نانىم-سەنىمدەرىمىزدىڭ وزگەشەلىكتەرىنە قاراماستان, قوعامدا دىنارالىق كەلىسىم مەن اۋىزبىرشىلىكتى ورنىقتىرۋعا باعىتتالعان ماسەلەلەردى كەلىسسوزدەر ۇستەلىندە تالقىلاۋ ءۇشىن جينالۋىمىزدىڭ ىرگەتاسى بولىپ تابىلادى.
قازاقستانداعى پراۆوسلاۆيە شىركەۋى ءوزىنىڭ بارلىق قىزمەت سالاسىندا قوعامداعى ادامگەرشىلىكتى, مەيىرىمدىلىكتى جانە ءوزارا ءسۇيىسپەنشىلىكتى قولداۋعا ۇمتىلادى.
2015 جىلى وتكەن الەمدىك جانە ءداستۇرلى دىندەر ليدەرلەرىنىڭ سەزى وتە ءماندى ماعىناعا يە شارامەن اياقتالدى. فورۋمعا قاتىسۋشىلار «ماڭگىلىك ەل» داڭق قاقپاسى ماڭىندا ورنالاسقان «رۋحاني جاراسىم» اللەياسىنىڭ سالتاناتتى اشىلۋىنا قاتىسىپ, وزدەرىنىڭ اتاۋلى اعاش كوشەتتەرىن وتىرعىزدى.
استانا دىنارالىق فورۋمى دا الەم ەلدەرى مەن حالىقتارى اراسىندا بەيبىتشىلىك پەن باۋىرمالدىق رۋحىنىڭ سالتانات قۇرۋىنا ىقپال ەتۋى ءتيىس ەكەندىگى سەكىلدى بۇل اعاشتار دا ۋاقىت وتە كەلە تامىرىن كەڭگە جايىپ, جايقالىپ ءوسىپ, استانا تۇرعىندارىنىڭ بويىنا تاتۋلىق سەزىمىن ۇيالاتاتىنىنا سەنىمدىمىن.
قازاقستان رەسپۋبليكاسىنىڭ پرەزيدەنتى ن.ءا.نازارباەۆ كەيدە ءدىندى قۇسپەن تەڭەيدى. شىنىمەن دە, سەنىم ادامعا قانات بىتىرەدى, ونىڭ بارلىق ۇمتىلىستارىن رۋحتاندىرىپ, كوڭىلىنە ءۇمىت ۇيالاتادى جانە ونى ماڭگىلىككە قاتىستى ەتەدى. وسى عاجايىپ قۇس بۇدان ءارى قاراي دا ءبىزدىڭ كەڭ-بايتاق جەرىمىزدە قالىقتاي بەرسىن. ەلىمىزدە الەمدىك جانە ءداستۇرلى دىندەردىڭ تاتۋلىعى ارتا بەرسىن.
الەكساندر,
قازاقستانداعى ورىس پراۆوسلاۆيە شىركەۋى ميتروپوليت وكرۋگىنىڭ باسشىسى