ەلباسى نۇرسۇلتان نازارباەۆ مەملەكەتتىك قىزمەت سالاسىنداعى ءوڭىرلىك حابتىڭ باسقارۋشى كوميتەتىنىڭ توراعاسى ءاليحان بايمەنوۆتى قابىلدادى, دەپ حابارلادى پرەزيدەنتتىڭ باسپاسوز قىزمەتى.
كەزدەسۋ بارىسىندا ءا.بايمەنوۆ مەملەكەت باسشىسىن ءوڭىرلىك حابتىڭ وسى كەزەڭگە دەيىنگى جۇمىسىنىڭ قورىتىندىلارى مەن الداعى جوسپارلارى جونىندە حاباردار ەتتى.
حابتىڭ ورنىقتى دامۋ ماقساتتارىنا قول جەتكىزۋ جولىندا وڭىرلىك جانە وڭىرارالىق ىنتىماقتاستىقتى دامىتۋعا ۇلەس قوسىپ وتىرعانى, قازىرگى كەزدە سينگاپۋر ورتالىعىمەن بىرگە ونىڭ مەملەكەتتىك قىزمەت سالاسىندا ءبىلىم مەن تاجىريبە بولىسەتىن تانىمال ۇيىمعا اينالعانى اتاپ ءوتىلدى.
بۇدان بولەك, استانا حابىنا قاتىسۋشىلاردىڭ سانى 34 ەل مەن 5 حالىقارالىق ۇيىمعا دەيىن ءوستى. بۇۇ, ەىدۇ, ەۋروپالىق وداق, اقش, قىتاي, كورەيا, تۇركيا جانە تمد ەلدەرى وعان قاتىسۋشى جانە سەرىكتەس بولا وتىرىپ, بۇل پلاتفورمانىڭ تيىمدىلىگىن ايتىپ, حابتىڭ ءىس-شارالارىن بىرگە قارجىلاندىرۋدا.
مەملەكەت باسشىسى كەزدەسۋ قورىتىندىسى بويىنشا وتاندىق مەملەكەتتىك قىزمەت سالاسىن جەتىلدىرۋ ءۇشىن يننوۆاتسيالار مەن وزىق حالىقارالىق تاجىريبەلەردى ەنگىزۋدى تاپسىردى.