شىمكەنت. 30 مامىر. وڭتۇستىك قازاقستان وبلىسىندا وتكەن دەمالىس كۇنى ەكى كىشكەنتاي قىز بالانىڭ كەزدەيسوق وقيعالاردىڭ قۇرباندارى بولىپ كەتۋلەرىمەن ەرەكشەلەندى. بۇل تۋرالى Otyrar.kz اقپارىنا سۇيەنگەن egemen.kz ءتىلشىسى حابارلادى.
«دەمالىس كۇندەرى توتەنشە وقيعاسىز وتپەدى. سارىاعاش اۋدانىنا قاراستى اقتوبە اۋىلىندا 2 جاسار بالدىرعان كوز جۇمدى. ول ءوز ءۇيىنىڭ اۋلاسىنداعى اجەتحاناعا ءتۇسىپ كەتىپ, تۇنشىعىپ قايتىس بولعان. توتەنشەلىكتەردىڭ مالىمدەۋىنشە, ورىن العان جاعدايعا اتا-اناسىنىڭ مۇقياتسىزدىعى سەبەپ», - دەلىنگەن حابارلامادا.
مۇنداي وقىس وقيعا دەمالىس كۇنى وبلىستىڭ بايدىبەك اۋدانىندا دا تىركەلگەن. اتاپ ايتقاندا, بورالداي اۋىلىنداعى مۇرىنتاس دەمالىس ايماعىندا 3 جاسار قىز بالا سۋعا اعىپ كەتكەن. توتەنشە جاعدايلار قىزمەتكەرلەرىنىڭ ايتۋلارىنشا, ءبىر كۇننىڭ ىشىندە بولعان بۇل ەكى جاعدايدا دا اتا-انالار كىشكەنتاي سابيلەرىن قاراۋسىز قالدىرىپ قويعان.
باقتيار تايجان.
دەرەك, فوتو: Otyrar.kz.