استانا. 30 مامىر. اقش-تىڭ پرەزيدەنتى لاۋازىمىنا العاشقى ۇمىتكەر بەلگىلى بولدى. بۇل تۋرالى «ينتەرفاكس» اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
وتكەن جەكسەنبى كۇنى, 29 مامىردا ليبەرتارياندىق پارتيا پرەزيدەنتتىككە نيۋ-مەكسيكو شتاتىنىڭ بۇرىنعى گۋبەرناتورى گەري دجونسوندى ۇسىندى. فلوريدادا وتكەن پارتيالىق سەزد بارىسىندا ول 55,8 پايىز داۋىس جيناپ, باسەكەلەستەرىنەن باسىم تۇسكەن.
وسىعان دەيىن ليبەرتارياندىق پارتيا سايلاۋلاردا جەڭىسكە جەتەتىندەي مۇمكىندىكتەرى بولمايتىن. اتالعان پارتيا پرەزيدەنتتىك سايلاۋعا 1972 جىلدان بەرى قاتىسىپ كەلەدى. ەركىن نارىقتىق ەكونوميكا, حالىقارالىق ەركىن ساۋدا, ازاماتتاردىڭ قۇقىعى مەن ەركىندىگىن قامتاماسىز ەتۋ جانە وزگە ەلدەردىڭ ىسىنە ارالاسپاۋعا شاقىرادى.
ايتا كەتەيىك, گەري دجونسون وسىدان ءتورت جىل بۇرىن دا مەملەكەت باسشىسىنىڭ سايلاۋىنا تۇسكەن. ناتيجەسىندە 1 پايىز داۋىس جيناعان. ال بۇل جولعى سايلاۋ 2016 جىلدىڭ قاراشا ايىندا وتەدى.
ايان ءابدۋالي.
دەرەك, فوتو: «ينتەرفاكس».