قاراعاندى. 30 مامىر. قاراعاندىداعى «شاحتەر» ستاديونىندا حالىقارالىق وليمپيادا كۇنى اتالىپ ءوتتى. بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
سپورتتىق شاراعا مەكتەپ جانە كوللەدج وقۋشىلارى, جوعارى وقۋ ورىندارىنىڭ ستۋدەنتتەرى, بارلىعى ءبىر جارىم مىڭداي ادام قاتىستى. ولار جاتتىقتىرۋشى-نۇسقاۋشىلاردىڭ كومەگىمەن جالپىعا بىردەي جاتتىعۋلار جاسادى.
سپورتتىق شارادان مۇگەدەك سپورتشىلار دا شەت قالمادى. ولاردىڭ اراسىندا سۋدا جۇزۋدەن بۇكىلالەمدىك پاراليمپيا ويىندارىنىڭ چەمپيونى ناتاليا زۆياگينتسەۆا دا بولدى. سپورتشى جاقىندا ريو-2016 پاراليمپياداسىنىڭ ليتسەنزياسىن جەڭىپ العان بولاتىن.
حالىقارالىق وليمپيادا كۇنىنە ارنالعان مەرەكەلىك شارانىڭ اشىلۋ سالتاناتىنا افينا وليمپياداسىنىڭ قولا جۇلدەگەرى, ونسايىسشى دميتري كارپوۆ قاتىستى.
قايرات ءابىلدينوۆ.
دەرەك, فوتو: قاراعاندى وبلىستىق دەنە شىنىقتىرۋ جانە سپورت باسقارماسىنىڭ ءباسپاسوز قىزمەتى.