استانا. 29 مامىر. ماڭعىستاۋ وبلىسىنداعى مۇنايلى اۋدانىنىڭ ماعىستاۋ-3 اۋىلىندا وزبەكستان ازاماتىنىڭ اسىلىپ قالعان ءولى دەنەسى تابىلدى. بۇل تۋرالى lada.kz پورتالى اقپارىنا سۇيەنگەن egemen.kz ءتىلشىسى حابارلادى.
پورتالدىڭ حابارلاۋىنشا, ەر كىسىنىڭ ءمايىتى وسىنداعى كاسىپورىنداردىڭ ءبىرىنىڭ اڭعارىنان تابىلعان. وقيعا ورنىنا كەلگەن پوليتسيا قىزمەتكەرلەرى ونىڭ وزبەكستاننىڭ 52 جاستاعى ازاماتى ەكەنىن انىقتادى.
ساراپشىلاردىڭ الدىن الا تۇجىرىمدارىنا سايكەس, ەر كىسى ءوز ەركىمەن ومىرمەن قوشتاسقان. ونىڭ دەنەسىنەن تارتىس-كۇرەستىڭ بەلگىلەرى تابىلماعان.
ەندى وقيعانىڭ شىن مانىندە قالاي بولعانىن بارىنشا جان-جاقتى جاسالاتىن سوت-مەديتسينالىق ساراپتاماسى كورسەتەدى. قازىر ينتسيدەنتتى تەكسەرۋ شەڭبەرىندە جۇمىستار ءجۇرىپ جاتىر.
تالعات رايىمبەك.
دەرەك: lada.kz.