استانا. 29 مامىر. ۋكراينانىڭ كيەۆ قالاسىنداعى جەكەمەنشىك قارتتار ءۇيى ورتەنىپ, 17 ادام قازا تاپتى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى.
قارتتار ۇيىندە قازا تاپقانداردىڭ اراسىندا مەكەمەنىڭ ءبىر قىزمەتكەرى بار. جەرگىلىكتى پوليتسيانىڭ حابارلاۋىنشا, وتقا ورانعان عيماراتتان 18 ادام قۇتقارىلعان. مۇنىڭ 5-ءۋى جەدەل جاردەمنىڭ كومەگىمەن اۋرۋحاناعا جەتكىزىلگەن. دارىگەرلەر 2 قاريانىڭ ءحالى اۋىر دەپ وتىر.
ايتا كەتەيىك, ەكى قاباتتى عيماراتتى شارپىعان ءورت 1,5 ساعاتتا ارەڭ سوندىرىلگەن. قازىرگى تاڭدا ۋكراينا بيلىگى ادام ولىمىنە اكەلگەن ءورت قاۋىپسىزدىگى نورمالارى بۇزىلدى دەگەن ايىپپەن ءىس قوزعاپ, «تۋعان وشاق» ۇيىمىنىڭ باسشىسىن قاماۋعا الدى.
تالعات رايىمبەك.
دەرەك, فوتو: 24.kz.