استانا. 29 مامىر. ۇلىبريتانيا پرەمەر-ءمينيسترى دەۆيد كەمەرون 27 مامىر كۇنى تۇندە استانا اۋەجايىندا ءبىر ساعات وتىرىپ, ارى قاراي ۇشىپ كەتكەن. بۇل تۋرالى الەۋمەتتىك جەلىلەردە تاراعان اقپارعا سۇيەنگەن egemen.kz ءتىلشىسى حابارلادى.
بريتانيا ۇكىمەتى باسشىسىنىڭ ەلوردا اۋە ايلاعىندا وتىرعانىن ساياساتتانۋشى ەرلان كارين كورىپ, سول ءساتتى سۋرەتكە ءتۇسىرىپ الىپ, ونى Facebook-تاعى ءوزىنىڭ پاراقشاسىنا جاريالاعان.
«بريتانيا پرەمەرى دەۆيد كەمەرون استانا اۋەجايىندا ءبىر ساعات وتىردى», - دەپ جازادى الەۋمەتتىك جەلىنى پايدالانۋشى.
ۇلىبريتانيا پرەمەر-ءمينيسترىنىڭ وسى جەردە جۇرگەنىن كورگەن كوپ ادام سول بويدا راسىمگە تارتىپ العان.
«وتكەن تۇندە بريتانيا پرەمەرى استانادا بولدى. راس, بار بولعانى 60 مينۋت. اەروپورتتا. توكيودان لوندونعا ۇشىپ بارا جاتقان جولىندا», – دەلىنگەن ساياساتتانۋشى حابارلاماسىندا.
تالعات رايىمبەك.
دەرەك, فوتو: Facebook.