استانا. 29 مامىر. رەسەيدىڭ روستوۆ وبلىسىنىڭ سوتى نارەستەسىن اراق قوسىلعان ءسۇت قوسپاسىن بەرىپ ولتىرگەن ايەلدىڭ ءىسىن قاراپ, ءتيىستى جازاسىن شىعاردى. بۇل تۋرالى «ينتەرفاكس» اقپارىنا سۇيەنگەن egemen.kz ءتىلشىسى حابارلادى.
وقيعا جايىندا رەسەي تەرگەۋ كوميتەتىنىڭ ايماق بويىنشا رەسمي وكىلى گالينا گاگالاەۆا ايتىپ بەردى.
تەرگەۋدىڭ انىقتاۋى بويىنشا, روستوۆ وبلىسى, شولوحوۆ اۋدانىنىڭ 24 جاستاعى تۇرعىنى ەلەنا سيروتا جاڭا تۋعان نارەستەسىن ءولىپ قالعانىنشا اراقپەن سۋارىپ كەلگەن. ناتيجەسىندە 2015 جىلعى 19 شىلدەدە جارىق دۇنيەگە كەلگەن شاقالاق شىداي الماي, 23 تامىز كۇنى ءجانتاسىلىم ەتكەن. تەكسەرە كەلگەندە, جاس ايەلدىڭ ءوز سابيىنە ءسۇت قوسپاسىن بەرەردە وعان ۇدايى اراقتى قوسىپ وتىرعانى انىقتالعان.
«سوت روستوۆ وبلىسىندا تۇراتىن ايەلدى وسى قىلمىسى ءۇشىن 10 اي كولونيا-مەكەندە تۇرۋ جازاسىنا كەستى», - دەدى ارنايى وكىل جۇما كۇنى اگەنتتىك تىلشىسىنە.
وكىل سونداي-اق نارەستەنىڭ سوت ساراپتاماسى قورىتىندىسى بويىنشا, ەكى وكپەسى قابىنۋى مەن الكوگولدى ينتوكسيناتسياسى قوسىلۋى ناتيجەسىندە قايتىس بولعانىن جەتكىزدى.
وسىعان بايلانىستى ايەل ابايسىزدا كىسى ءولتىرىپ الۋ بابى بويىنشا جازاعا تارتىلدى.
تالعات رايىمبەك.
دەرەك, فوتو: ينتەرفاكس.