ۇيلەنۋ تويىنا مىڭ مىسىق كەلدى
جان-جانۋارلاردى قاتتى جاقسى كورەتىن كانادالىق ەكى جاس جۇباي 1000 مىسىقتىڭ ورتاسىندا ۇيلەنۋ تويلارىن وتكىزدى.
قازىر اقش-تىڭ كاليفورنيا شتاتىندا تۇرىپ جاتقان دومينيك يۋسسون مەن لۋزي ۆەروننو وسى ءۇشىن كانادانىڭ كۆەبەك قالاسىنا ۇشىپ كەلىپ, مىسىقتارعا ارنالعان «مىسىقتار ءۇيى» اتتى ارنايى باسپاناعا بارعان. سول جەردە تويلارىن دا جاساعان. ال وزدەرىن قۇتتىقتاپ كەلگەن تۋعان-تۋىستارىنا سىيلىقتى مىسىقتار مەكەنىنە تارتۋ ەتۋدى ءوتىنىپتى.
اشقاراق تۇلكى قۇتى ىشىنە ءتۇسىپ كەتتى
انگليادا تۇلكىنىڭ بالاسى – مىرشاي جەر جاڭعاق مايى قۇيىلعان بانكىنىڭ ىشىنە باسىن تىعىپ, شىعا الماي قالدى.
اتىنىڭ ءوزى اراحيس, ياعني جەر جاڭعاق اتالعان تۇلكى بالاسى بۇدان ءۇش اپتا بۇرىن تۋىلعان ەكەن. جۇرت مىرشايدىڭ ۋيلتشير گرافتىعىنداعى كرەماتوري تەرريتورياسىندا باسىنا بانكى كيىپ الىپ, ونى جارىپ جىبەرۋ ءۇشىن پليتاعا ۇرىپ جۇرگەنىن كورىپ قالادى. ونى جانۋاردىڭ باسىنان 40 جاستاعى كەۆين دريۋ شىعارىپ الادى. ەندى ءسال ۋاقىت تۇرسا تۇلكى بالاسى تۇنشىعىپ ولگەلى تۇر ەكەن.
عارىشقا اۋە شارىمەن ۇشاتىن ادام دا تابىلدى
قىتاي عالىمدارى الداعى بىرنەشە ايدا ءبىر ادامدى عارىشقا ستراتوستاتپەن ۇشىرۋدى جوسپارلاپ وتىر.
وسى ءۇشىن ارنايى پاراشيۋت كومبينەزونى دا دايىندالعان. ال كەڭىستىككە اۋە شارىمەن ادام ۇشىرۋ ماشاقاتى عارىش ءتۋريسىنىڭ قالتاسىنان 77 مىڭ دوللار اقشا شىعارتادى. وسىلايشا, تاريحتا ءبىرىنشى ادام 11-50 شاقىرىم قاشىقتىق ارالىعىندا ستراسفورا اۋماعىنا كوتەرىلەدى.
كۇنگە قاقتالعان تۇيە يەسىن ءولتىرىپ تاستادى
ءۇندىستاندا ۇزاق ۋاقىت ىستىق كۇننىڭ قىزۋىنا ابدەن قاقتالعان تۇيە وسى ءۇشىن قاتتى ىزا بولىپ, ءوز يەسىنىڭ موينىن ج ۇلىپ الدى.
قايعىلى وقيعا رادجستحان شتاتىنا قاراستى بارمەر قالاسىندا ورىن العان. جانۋار اياقتارى مەن قولى بۇعاۋلانعان قالپى ءۇيدىڭ اۋلاسىندا تۇرىپ قالعان. يەسى ونىڭ بايلاۋلى كۇيدە قالعانىن كەشكە ءبىر-اق ەسىنە تۇسىرەدى. بۇعاۋدان بوساتۋعا كەلگەندە, تۇيە يەسىنە تاپ بەرىپ, موينىن ج ۇلىپ الادى.
الەمدە تەلەفون-روبوتتار ساۋداعا ءتۇستى
جاپونيادا «روبوفون» اتتى جاھانداعى ءبىرىنشى تەلەفون-روبوت ساتىلا باستادى.
قازىر اتالمىش تەلەفوننىڭ بي بيلەپ, ءان سالاتىنى, جۇرە الاتىنى ايتىلىپ جاتىر. ءبىرىنشى ساۋدا كۇنى تەلەفوننىڭ الدىن الا تاپسىرىسى الىنعان 1000 داناسى ساتىلىپتى. سودان كەيىن ساۋدا ورىندارىنا جاپپاي جىبەرىلگەلى تۇر. باعاسى 1800 دوللاردى قۇرايدى. كومپانيا الداعى ۋاقىتتاردا ايىنا وسىنداي 5000 قوندىرعىنى ساتۋعا ۇمىتتەنىپ وتىر.
21-دەگى جىگىت 71-دەگى ايەلگە ۇيلەنبەك بولدى
ءتۋنيستىڭ 21 جاستاعى ازاماتى 71-دەگى شۆەيتساريالىق ايەلگە ۇيلەنۋگە ارەكەت جاساپ كوردى.
بىراق شۆەيتساريا سوتى جاس جىگىتتىڭ وزىنەن 50 جاس ۇلكەن كىسىنى جار ەتۋگە دەگەن ىقىلاسىنان ەشقانداي دا سۇيىسپەنشىلىكتىڭ ءىزىن تابا الماي, بۇل نەكەنىڭ تىركەلۋىنە ءۇزىلدى-كەسىلدى تىيىم سالدى. بۇعان جاۋاپ رەتىندە ايەل جىگىتپەن ەكەۋىنىڭ كوپ نارسەگە كوزقاراستارى بىردەي ەكەنىن ايتقان. ولار بۇدان ءۇش جىل بۇرىن ينتەرنەتتە تانىسقان ەكەن. ال بىلتىر ءبىر-ءبىرىن ءبىرىنشى رەت كورىپتى.
اقپارات اگەنتتىكتەرىنىڭ ماتەريالدارى نەگىزىندە دايىندالدى