ەلباسى نۇرسۇلتان نازارباەۆ «سيتيك گرۋپپ» كورپوراتسياسىنىڭ پرەزيدەنتى ۆان ءتسزيۋندى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
كەزدەسۋ بارىسىندا قازىرگى بىرلەسكەن جوبالاردى جۇزەگە اسىرۋ ماسەلەلەرى تالقىلاندى, سونداي-اق, ءوزارا ءىس-قيمىلدىڭ پەرسپەكتيۆالى باعىتتارى قاراستىرىلدى.
مەملەكەت باسشىسى مۇناي جانە گاز سالاسىن قازاقستان مەن قىتاي سەرىكتەستىگىنىڭ جەتەكشى سالاسى رەتىندە اتاي وتىرىپ, ەلىمىز «سيتيك گرۋپپ» كورپوراتسياسىمەن ءبىراز ۋاقىتتان بەرى تابىستى ىنتىماقتاسىپ كەلە جاتقانىن ايتتى.
ۆ.تسزيۋن نۇرسۇلتان نازارباەۆقا رەسپۋبليكامىزدىڭ قۇرىلىس جانە مۇناي-گاز سالاسىنىڭ ودان ءارى دامۋىنا ىقپال ەتەتىن ءتۇرلى جوبالاردىڭ جۇزەگە اسىرىلۋ بارىسى تۋرالى باياندادى.
سۋرەتتەردى تۇسىرگەندەر
س.بوندارەنكو, ب.وتارباەۆ