كەشە ۇكىمەت ۇيىندە قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ سينگاپۋر رەسپۋبليكاسىنىڭ مەملەكەتتىك ساۋدا جانە يندۋستريا ءمينيسترى, مەملەكەتتىك ۇلتتىق دامۋ ءمينيسترى كو پو كۋنمەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
تاراپتار قازاقستان مەن سينگاپۋر اراسىنداعى ەكىجاقتى قارىم-قاتىناستاردىڭ جاعدايى مەن دامۋ پەرسپەكتيۆالارىن قاراستىردى. باقىتجان ساعىنتاەۆ پەن كو پو كۋن ساۋدا-ەكونوميكالىق جانە ينۆەستيتسيالىق ءوزارا ءىس-قيمىلداردى ۇلعايتۋ قاجەتتىگى جونىندە وي ءبولىستى.
پرەمەر-ءمينيستردىڭ ءبىرىنشى ورىنباسارى قازاقستاننىڭ سينگاپۋردىڭ الەۋمەتتىك-ەكونوميكالىق دامۋ تاجىريبەلەرىن بەلسەندى تۇردە وزىنە بەيىمدەپ جاتقان ەلدەردىڭ ءبىرى بولىپ تابىلاتىنىن اتاپ ءوتتى. ونىڭ ىشىندە «سامۇرىق-قازىنا» ۇلتتىق ءال-اۋقات قورىن قۇرۋ, مەملەكەتتىك قىزمەتتىڭ جاڭا مودەلىن ەنگىزۋ, ەلەكتروندى ۇكىمەتتى دامىتۋ جانە باسقالار بار.
كەلىسسوزدەر بارىسىندا, سونداي-اق, ونەركاسىپتىك ىقپالداستىق, ينفراقۇرىلىمدىق جوبالار شەڭبەرىندەگى, قارجى سالاسىنداعى ءوزارا ءىس-قيمىلدار دا تالقىلاندى.