الىپ قازاندىق

اتىراۋدا العاش رەت شىعارىلدى مۇنايلى وڭىردەگى بايىرعى كاسىپورىننىڭ بىرەگەيى سانالاتىن «اتىراۋنەفتەماش» سەرىكتەستىگى العاش رەت ەڭ اۋىر ءارى ەڭ ءىرى گاباريتتى ونىمدەردى شىعاردى. سەرىكتەستىكتىڭ ءوندىرىس جونىندەگى ديرەكتورى سەرگەي تكاچۋكتىڭ ءمالىم ەتۋىنشە, ەلىمىزدە ءدال مۇنداي اسا اۋىر سالماقتاعى ءونىم وسى كەزگە دەيىن شىعارىلماپتى. اتىراۋ مۇناي وڭدەۋ زاۋىتىنداعى ساتىلى جاڭعىرتۋ, ناقتىلاي ايتقاندا, مۇنايدى تەرەڭ وڭدەۋ جوباسىنا ارنالىپ شىعارىل­عان قوس قازاندىقتىڭ ارقايسىسى­نىڭ ۇزىندىعى – 37,2 مەتر, ىشكى ديامەترى – 6 مەتر, ال سالماعى – 210 توننا. اتالعان قوس قازاندىق كاسىپ­ورىننىڭ وتكەن جىلى ىسكە قوسىل­عان جاڭا تسەحىندا جەرگىلىكتى مامانداردىڭ تەمىردەن ءتۇيىن تۇيەتىن شەبەر قولىمەن جاسالدى. جاڭا تسەحتىڭ اۋماعى دا ۇلكەن, ۇزىندىعى 144 مەتردى قۇرايدى. ەنى – 30 مەترگە, ال بيىكتىگى 60 مەترگە تەڭ. وسىناۋ اتشاپتىرىم اۋماعى بار تسەحتا الداعى ۋاقىتتا بۇدان دا ءىرى گاباريتتى ونىمدەر شىعارۋ جوسپارلانىپتى. سەرىكتەستىك باسشىلىعى كرا كومپانياسى ىسكە اسىراتىن گاز-حيميا كەشەنىنە قاجەتتى 1100 توننالىق ءىرى گاباريتتى ءونىمدى شىعارۋعا كەلىسىم جاساۋدى كوزدەپ وتىر. قازىردىڭ وزىندە مۇنداي ءىرى ءونىمدى جەتكىزۋ جوباسى جاسالىپتى. اتىراۋ مۇناي وڭدەۋ زاۋى­تىنداعى جاڭعىرتۋ جوباسى ءۇشىن بۇدان ءىرى گاباريتتى ءونىمدى شىعارۋ جۇمىستارى جاسالۋدا. ءىرى دەيتىن سەبەبىمىز, جاڭا ءونىمنىڭ سالماعى 440 توننانى قۇرايدى. ۇزىندىعى – 52 مەتر. بۇل جاپوندىق «مارۋ­بەني» كومپانياسىنىڭ تاپسىرىسىمەن جاسالۋدا. تاپسىرىس بەرۋشىنىڭ جانە باس مەردىگەردىڭ سۇراۋىمەن جاڭا ءونىمنىڭ سوڭعى قۇراستىرۋ جۇمىستارى مۇناي وڭدەۋ زاۋىتىنىڭ الاڭىندا ىسكە اسىرىلادى. ويتكەنى, بيىكتىگى 52 مەتردى قۇرايتىن دۇنيەنى تىكەسى­نەن تۇرعان كۇيىندە تاسىمالداۋ مۇمكىن ەمەس. – العاشقى ءىرى گاباريتتى ءونىم­دەر شىعارۋ ويداعىداي ىسكە استى. شەتەلدىك كومپانيالار­دىڭ تاپسىرىسى دا, سەنىمى دە اقتالدى. ءبىزدىڭ جەرگىلىكتى ماماندارىمىز بۇرىن ەۋروپا ەلدەرىندە شىعارىلاتىن ءىرى گا­باريتتى قازاندىقتار جاساۋدى­ مەڭگەردى. بۇل – ءبىزدىڭ كاسىپ­ورىن ماماندارىنىڭ العاشقى جە­تىس­تىگى. ارينە, مۇنداي ونىمدەر شىعارۋ وڭاي ەمەس. اسىرەسە, ماماندارىمىز كۇردەلى ينجەنەرلىك شەشىمدەردى ىسكە اسىرۋدا شەبەر­لىك, بىلىكتىلىك تانىتتى, – دەيدى «اتىراۋنەفتەماش» جشس-ءنىڭ ءوندىرىس جونىندەگى ديرەكتورى سەرگەي تكاچۋك. جولداسبەك شوپەعۇل, «ەگەمەن قازاقستان» اتىراۋ