استانا. 24 مامىر. مامىردىڭ 21-ءى كۇنى تۇرىكمەنستان پرەزيدەنتى گۋربانگۋلي بەردىمۋحامەدوۆ جۇمىس ساپارىمەن اشحاباد توڭىرەگىندەگى شەكارا زاستاۆالارىنىڭ بىرىندە بولدى. بۇل تۋرالى ras.kz اقپارىنا سۇيەنگەن egemen.kz ءتىلشىسى حابارلادى.
«گۋندوگار» سايتىنىڭ جازۋىنشا, تۇرىكمەنستان پرەزيدەنتى زاستاۆا اينالاسىنىڭ كوركەيىپ-كوگالداندىرىلۋ جانە جاسىل جەلەكتەردى كۇتۋ ماسەلەسىنە كوڭىلى تولماعانىن بىلدىرگەن. ااركاداگ سول جەردە تۇرىكمەنستان مەملەكەتتىك شەكارا قىزمەتىنىڭ باستىعى بەگەنچ گۋندوگدىەۆكە زاستاۆا اينالاسىن تەز ارادا تارتىپكە كەلتىرىپ, بۇدان بىلاي جەمىس-جيدەك, كوكونىس جانە باقشا داقىلدارىن وسىرۋمەن اينالىسۋدى قاتاڭ تاپسىرعان.
«مەملەكەت باسشىسى اۋانى تازارتىپ تۇراتىن سايالى جانە قىلقان جاپىراقتى اعاشتار ەگىپ, اينالادا جاقسى ميكروكليمات قالىپتاستىرۋدى, ماڭايعا جەمىس اعاشتارىن ەگىپ, جەردى ءتيىمدى پايدالانۋدى مىندەتتەدى. ال وزدەرى وسىرگەن كوكونىس جانە باۋ-باقشا ونىمدەرى اسكەري قىزمەتكەرلەردىڭ داستارحاندارىن بايىتىپ قانا قويمايدى, سونىمەن قاتار ولاردىڭ جاقسى تاماقتانىپ تۇرۋلارىنا جول اشادى», - دەلىنگەن «تۇرىكمەنستان داۋلەتتىك حرونيكاسى» (تدح) حابارلاماسىندا.
بۇدان بولەك, پرەزيدەنت بارلىق شەكارا زاستاۆالارىندا «شەكاراشىلاردى جىل بويى دارۋمەندى ازىق-ت ۇلىك ونىمدەرىمەن قامتاماسىز ەتىپ, ولاردىڭ كۇندەلىكتى راتسيوندارىن پايدالى كوكونىستەرمەن بايىتۋ ءۇشىن جىلىجاي شارۋاشىلىعىن جۇرگىزۋدى» تاپسىرعان.
تاپ وسىنداي جىلىجايلار شارۋاشىلىعىن ۇيىمداستىرۋ ىشكى ىستەر مينيسترلىگىنە قاراستى بارلىق بولىمشەلەرگە دە تاپسىرىلدى.
تالعات رايىمبەك.
دەرەك, فوتو: تدح.