ۋكراينانىڭ دنەپروپەتروۆسك وبلىسىنداعى جاقىندا كامەنسكوە دەگەن اتاۋ العان بۇرىنعى دنەپرودزەرجينسك قالاسىنىڭ تۇرعىندارى ەلدى مەكەن اتاۋىن «درەزدەن» دەپ وزگەرتۋدى ۇسىنادى. بۇل تۋرالى رەسەي باق-تارىنا سىلتەمە جاساعان egemen.kz ءتىلشىسى حابارلادى.
وسىعان بايلانىستى كامەنسكوە قالاسىنىڭ تۇرعىندارى ۋكراينا پرەزيدەنتى پەتر پوروشەنكونىڭ سايتىنا پەتيتسيا ءىلىپ, وسى ءۇشىن داۋىس جيناۋعا كىرىسىپ كەتتى.
پەتيتسيا اۆتورى ەلەنا اگگەيدىڭ ايتۋىنشا, قالانىڭ اتىن ونىڭ تۇرعىنلارىنىڭ جاڭا اتاۋعا نارازى ەكەندىكتەرىنە بايلانىستى وزگەرتۋ كەرەك.
«دنەپرودزەرجينسك قالاسىنىڭ اتىن كامەنسكوە دەپ وزگەرتۋگە جەرگىلىكتى تۇرعىنداردىڭ جاپپاي قارسى ەكەندىگىن جانە ونىڭ كەڭەستىك اتاۋمەن قالۋى مۇمكىن ەمەستىگىن ەسكەرە كەلىپ, ءبىز بۇل اتاۋعا بالاما رەتىندە درەزدەن دەگەندى ۇسىنامىز. ۋكراينا قازىر باتىسقا قاراي قارىشتاپ بارا جاتىر, 21 عاسىردا ءومىر ءسۇرىپ جاتىرمىز, ءدال قازىرگى كەزدە سوندىقتان بۇعان كامەنسكوە اتاۋىنان گورى درەزدەن كوپ جاقىن كەلەر ەدى. ونىڭ ۇستىنە, بۇل دەرەۆنيانىڭ اتىن (كامەنسكوە) ەمەس, قالانىڭ اتىن (درەزدەن) الۋى كەرەك. سەبەبى, ونىڭ ءوزى – قالا», - دەلىنگەن پەتيتسيا ماتىنىندە.
ەسكە سالا كەتەيىك, 2016 جىلعى 19 مامىردا ۋكراينانىڭ جوعارعى راداسى كوممۋنيزم سارقىنشاقتارىنان قۇتىلۋ باعدارلاماسى شەڭبەرىندە № 4085 «جەكەلەگەن ەلدى مەكەندەر مەن اۋداندار اتتارىن وزگەرتۋ تۋرالى قاۋلىنىڭ جوباسىن» قابىلداعان بولاتىن. سونىڭ ارقاسىندا دنەپرودزەردجينسك قالاسى كامەنسكوە دەگەن جاڭا اتقا كوشىرىلگەن ەدى.
تاعى ەسكە سالا كەتەيىك, درەزدەن دەگەن قالا بۇرىنعى گدر, قازىرگى شىعىس گەرمانيا اۋماعىندا دا بار.
تالعات رايىمبەك.
دەرەك: رەسەي باق-تارى.