كوكشەتاۋ. 21 مامىر. جۇمباق جاعدايدا ءىز-ءتۇزسىز جوعالعان ەللينا كۇلدينانىڭ اتا-اناسى سوت الدىندا جاۋاپ بەرۋى مۇمكىن. بۇل تۋرالى كتك تەلەارناسىنىڭ اقپارىنا سۇيەنگەن egemen.kz ءتىلشىسى حابارلادى.
اقمولا وبلىستىق ىشكى ىستەر دەپارتامەنتى ونىڭ اكە-شەشەسىنە قاتىستى «بالانى قاراۋسىز قالدىردى» دەگەن باپ بويىنشا قىلمىستىق ءىس قوزعادى.
ەگەر كىشكەنتاي قىزدىڭ جوعالۋىنا جاقىندارىنىڭ ايىپتى ەكەنى دالەلدەنسە, اكە-شەشەسى 4,5 ميلليون تەڭگە ايىپپۇل تولەيدى نەمەسە 2 جىلعا باس بوستاندىقتارىنان ايرىلادى. ال بالانىڭ ءولى دەنەسى تابىلعان جاعدايدا اتا-اناسى 5 جىلعا دەيىن سوتتالۋى مۇمكىن.
ەسكە سالا كەتەيىك, بۇدان ەكى اپتا بۇرىن استانادان 40 شاقىرىم جەردەگى قابانباي باتىر اۋىلى ماڭىندا 2 جاسار قىز جوعالىپ كەتكەن ەدى. نۇرا وزەنىنىڭ جاعاسىنا سەرۋەندەۋگە شىققان اتا-اناسى ەللينادان اياق استى كوز جازىپ قالادى.
قازىر كىشكەنتاي قىزدى پوليتسەيلەر, قۇتقارۋشىلار مەن ەرىكتىلەر وزەننىڭ جاعاسىنان, جازىق دالادان, سۋدىڭ تۇبىنەن دە ىزدەپ جاتىر. ەلليننانىڭ سۋعا كەتۋى مۇمكىن دەگەن جورامال ايتىلعاندىقتان, نۇرا وزەنىنىڭ اعىسى دا تەجەلدى.
باقبەرگەن امالبەك.
دەرەك, فوتو: كتك