استانا. 21 مامىر. اۋعانستاننىڭ سولتۇستىگىندەگى باگلان پروۆينتسياسىندا لاڭكەستىك ارەكەتتەن 11 ادام قازا تاپتى. بۇل تۋرالى تاسس اقپارات اگەنتتىگىنە سىلتەمە جاساعان egemen.kz ءتىلشىسى حابارلادى.
قازا تاپقانداردىڭ اراسىندا 5 بالا بار. سونىمەن قاتار, 3 ادام ءتۇرلى دەڭگەيدە جاراقات الىپ, اۋرۋحاناعا جەتكىزىلدى. دارىگەرلەر ولاردىڭ جاعدايى تىم اۋىر ەكەنىن مالىمدەدى. Hama Press اگەنتتىگىنىڭ حابارلاۋىنشا, ءبىر وتباسى مىنگەن كولىك جول جيەگىندەگى جارىلعىش زات ورناتىلعان جەرگە تاپ كەلگەن. ەكسترەميستىك ارەكەتتى ازىرگە ەشبىر ۇيىم ءوز موينىنا العان جوق.
مالىمەتتەر بويىنشا, بۇل ەلدە جىل باسىنان بەرى سودىرلار شابۋىلىنان 600 بەيبىت تۇرعىن وپات بولىپ, 1300-دەن استامى زارداپ شەككەن.
ايان ءابدۋالي.
دەرەك: تاسس.
فوتو: 24.kz.