ەلباسى نۇرسۇلتان نازارباەۆ قازاقستاننىڭ حالىق ءارتىسى ءسابيت ورازباەۆتى قابىلدادى, دەپ حابارلادى پرەزيدەنتتىڭ ءباسپاسوز قىزمەتى.
نۇرسۇلتان نازارباەۆ س.ورازباەۆتىڭ م.اۋەزوۆ اتىنداعى قازاق مەملەكەتتىك اكادەميالىق دراما تەاترىندا 50 جىلدان اسا جۇمىس ءىستەگەنىن, وسى ۋاقىت ءىشىندە 100-دەن استام ءرولدى سومداعانىن اتاپ ءوتتى.
مەملەكەت باسشىسى حالىق ءارتىسىنىڭ قازاق تەاترىنىڭ دامۋىنا كۋا بولىپ, ق.بادىروۆ, س.قوجامقۇلوۆ, ق.قۋانىشباەۆ سىندى ساحنا ساڭلاقتارىمەن بىرگە ونەر كورسەتكەنىنە نازار اۋداردى.
كەزدەسۋ بارىسىندا قازاقستان پرەزيدەنتى وتاندىق تەاتر ونەرىنىڭ دامۋىنا قوسقان ەلەۋلى ۇلەسى, بەيبىتشىلىكتى, دوستىق پەن قوعامدىق كەلىسىمدى نىعايتۋعا سىڭىرگەن ەڭبەگى ءۇشىن س.ورازباەۆتى ءى دارەجەلى «دوستىق» وردەنىمەن ماراپاتتادى.
س.ورازباەۆ ماراپات ءۇشىن, سونداي-اق م.اۋەزوۆ اتىنداعى تەاتردى جانە جالپى تەاتر ونەرىن دامىتۋعا كوڭىل ءبولىپ وتىرعانى ءۇشىن نۇرسۇلتان نازارباەۆقا العىس ايتتى.