استانا. 19 مامىر. ۋكراينا پارلامەنتى دنەپروپەتروۆسك قالاسىن «دنەپر» وزگەرتۋ جونىندە شەشىم قابىلدادى. بۇل تۋرالى ريا «نوۆوستي» اقپارىنا سۇيەنگەن egemen.kz ءتىلشىسى حابارلادى.
شەشىم قالا تۇرعىندارىنىڭ 80 پايىزدان استامى بۇرىنعى اتاۋىن ساقتاپ قالۋعا داۋىس بەرگەندەرىنە قاراماستان شىعارىلىپ وتىر. ال وپپوزيتسيا وكىلدەرى ەل بيلىگىنىڭ وسىلايشا قالالارعا جاڭا اتاۋلار بەرۋ ارقىلى قوعامدى وزىنە قارسى قويا باستاعانىن مالىمدەپ ۇلگەردى.
جوعارعى رادادا 274 دەپۋتات قالا اتىن وزگەرتۋدى قولدادى. ال كەرەگى 226 داۋىس قانا بولاتىن.
وسىعان وراي ۋكراينانىڭ ۇلتتىق جادناما ينستيتۋتىنىڭ باسشىسى ۆلاديمير ۆياتروۆيچ ءوزىنىڭ Twitter-دەگى پاراقشاسىندا قالانىڭ جاڭا اتى دنيپرو ەكەنىن, ەندى ونىڭ ورىس تىلىندە دە ول وسىلاي جازىلۋى كەرەكتىگىن اتاپ ءوتىپتى.
رادا دنەپروپەتروۆسكىدەن بولەك, تاعى 300-دەن استام ەلدى مەكەننىڭ اتتارىنا وزگەرىستەر ەنگىزدى. بۇلاردىڭ اراسىندا 9 اۋدان, 6 قالا جانە 284 سەلو مەن پوسەلكە بار. سولاردىڭ قاتارىنداعى دنەپرودزەرجينسك قالاسى بۇدان بىلاي «كامەنسكوە» دەپ اتالاتىن بولدى.
ەندى ۋكراين پارلامەنتىنە تاعى 9 ەلدى مەكەن مەن 2 اۋداننىڭ, سونداي-اق وبلىس ورتالىعى – كيروۆگرادتىڭ اتىن وزگەرتۋ قالىپ تۇر.
تالعات رايىمبەك.
دەرەك, فوتو: ريا نوۆوستي.