وسكەمەن. 18 مامىر. شىعىس وڭىرىندە «ماڭگىلىك ەل» پاتريوتتىق يدەياسىنا ارنالعان اشىق ديكتانت جازۋ شاراسى وتكىزىلدى. بۇل تۋرالى شىعىس قازاقستان وبلىسى اقپاراتتىق ورتالىعىنا سىلتەمە جاساعان egemen.kz ءتىلشىسى حابارلادى.
دوستىق ءۇيى – قوعامدىق كەلىسىم ورتالىعىندا ەل تاۋەلسىزدىگىنىڭ 25 جىلدىق مەرەيتويىنا وراي ۇيىمداستىرىلعان ديكتانت ەلىمىزدىڭ بارلىق وڭىرلەرىن قامتىپ وتىر. بۇل شارادا بەلسەندى وقۋشىلار مەن ستۋدەنتتەر, ەتنومادەني بىرلەستىكتەردىڭ وكىلدەرى ءوز ءبىلىم-بىلىكتەرىن تەكسەردى.
ۇيىمداستىرۋشىلاردىڭ ايتۋىنشا, اتالعان ءىس-شارانىڭ ماقساتى «ماڭگىلىك ەل» پاتريوتتىق اكتىن ناسيحاتتاۋ, مەملەكەتتىك ءتىلدى مەڭگەرۋگە دەگەن قىزىعۋشىلىقتى ارتتىرۋ, قازاقستاندىق بىرتەكتىلىكتى قالىپتاستىرۋ, قوعامدىق كەلىسىم مەن بىرلىكتى نىعايتۋ بولىپ وتىر.
ۇيىمداستىرۋشىلار ءار جۇمىستى تەكسەرىپ بولعاننان كەيىن ەڭ ساۋاتتى قاتىسۋشىلارعا العىس حاتتار مەن ەستەلىك كادەسىيلار تابىس ەتەدى.
دۋمان اناش.
دەرەك, سۋرەت: شىعىس قازاقستان وبلىسى اقپاراتتىق ورتالىعى.