«دامۋ» قورى شاعىن جانە ورتا كاسىپكەرلىكتى قولداۋدىڭ جاڭا باعدارلامالارىن ەنگىزەدى. بۇل جايىندا كەشە پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا ايتىلدى.
ءباسپاسوز ءماسليحاتى «دامۋ» قورى قىزمەتi اياسىندا شاعىن جانە ورتا بيزنەستi قولداۋدىڭ جاڭا قۇرالدارى» تاقىرىبىنا ارنالدى. ول باعدارلامالاردىڭ ورىندالۋ بارىسى جايىندا «دامۋ» كاسىپكەرلىكتى دامىتۋ قورى» اق باسقارماسىنىڭ توراعاسى قۋانىش تىلەۋشين باياندادى.
«دامۋ» قورى بيزنەسكە قارجىلاي جانە قارجىلاي ەمەس قولداۋ كورسەتۋمەن اينالىسادى. قارجىلاي كومەك كورسەتۋ اياسىندا بiزدە بiرقاتار قولداۋ قۇرالى بار. بۇل سالادا وسى جىلدىڭ 4 ايىندا بىلتىرعى جىلعى سايكەس كەزەڭمەن سالىستىرعاندا 35,7 پايىزعا ءوسiم بايقالادى. جوبالارعا كومەك كورسەتۋگە كەلسەك, بiز 1140 جوباعا 79,9 ملرد. تەڭگە نەسيە تۇرiندە قولداۋ كورسەتتiك. ال قولداۋ كورسەتۋدiڭ ەكiنشi باعىتى – سىياقى مولشەرلەمەسiن سۋبسيديالاۋ باعدارلاماسى اياسىندا بiزدە 29,4 پايىز ءوسiم بار. بiز 550 جوباعا قولداۋ كورسەتتiك. ال بىلتىرعى جىلدىڭ سايكەس كەزەڭiندە 425 جوباعا قولداۋ كورسەتiلگەن بولاتىن», دەدى ق.تىلەۋشين.
مالىمەتكە سۇيەنسەك, وتكەن جىلى «دامۋ» قورىنىڭ قولداۋىن كورگەن كاسىپكەرلەر 2,1 ترلن. تەڭگەنىڭ ءونىمىن شىعارعان. ال قوردىڭ قولداۋىن كورگەن كاسىپكەرلەر 160 ملرد. تەڭگە سالىق تولەگەن, 25,9 مىڭ جۇمىس ورنىن قامتىعان.
«دامۋ» قورى كاسىپكەرلىكتى قولداۋ ماقساتىندا قازىرگى تاڭدا بىرنەشە باعدارلامانى قولعا الىپ وتىر. ماسەلەن, كاسىپكەرلەرگە نەسيە الۋ ءۇشىن بانكتە جىلدام ءوتىنىم تولتىرۋعا كومەكتەسەتىن جاڭا تەحنولوگيا – «دامۋ بليتس» دەپ اتالاتىن جوبا ىسكە قوسىلدى. سونداي-اق, «دامۋ» قورى نەسيەگە كەپىلدەمە بەرۋدى «ە-gov» پورتالى ارقىلى اۆتوماتتاندىرۋ جۇيەسىن ىسكە قوستى. بۇعان قوسا, «شاعىن قارجىلىق ۇيىمدار ارقىلى قارجىلاندىرۋ» باعدارلاماسىن اتاپ وتۋگە بولادى. جەدەلدىگى مەن دەڭگەيلەرىنە قاراي ءارى جەكەلەپ قولعا الاتىندىقتان ميكروقارجىلىق ۇيىمدار «دامۋ» قورى ارقىلى ميكرو جانە شاعىن, اسىرەسە, اۋىلدىق جەرلەردەگى كاسىپورىنداردى نەسيەلەندىرە الادى. سەبەبى, اۋىلدىق جەرلەر مەن اۋداندارداعى كاسىپكەرلەر بانك نەسيەلەرىنە قول جەتكىزە المايدى. ولار ءۇشىن بۇل باعدارلاما قوسىمشا قارجىلاندىرۋ كوزى بولدى. ال ەندى «فرانشيزانى قارجىلاندىرۋ» جاڭا باعدارلاماسى كاسىپكەرگە دايىن بيزنەس شەشىم الۋعا ءمۇمكىندىك بەرەدى. سونداي-اق, «فاكتورينگ» قۇرالىن پايدالاناتىن جاڭا باعدارلاما كاسىپكەردىڭ اينالىمىندا ۇنەمى اقشا بولۋىن قامتاماسىز ەتەدى. بيىلدان باستاپ ەكونوميكانىڭ باسىمدىق بەرىلگەن سالالارىندا قىزمەت ەتەتىن وندىرۋشىلەر اينالىمداعى قاراجاتىن تولتىرۋ ءۇشىن بانكتەن العان نەسيەلەرى 19 پايىزدىق مولشەرلەمەدە بولسا دا سۋبسيديالاناتىن بولادى. بۇل قارجى كاسىپكەرلەردىڭ بورىشتارىن جەڭىلدەتۋگە باعىتتالعان. تاعى ءبىر توقتالاتىنى – «دامۋ-وپتيما». بۇل «بجك-2020» باعدارلاماسى بويىنشا سالالىق ماقسات اياسىنا كىرمەيتىن كاسىپكەرلەرگە كەپىلزات جەتپەگەن جاعدايدا «دامۋ» قورىنىڭ كەپىلدەمەسىن پايدالانا وتىرىپ, بانكتەن نەسيە العا مۇمكىندىك بەرەدى.
دينارا بىتىكوۆا,
«ەگەمەن قازاقستان»