وسكەمەن. 18 مامىر. شىعىس قازاقستان وبلىسىنىڭ اكىمى دانيال احمەتوۆ جاۋاپسىز مەردىگەرلەر تىزىمىنە ەنگىزۋ تۋرالى تالاپ-ارىزداردى سوتقا ۋاقىتىندا ۇسىنۋدى جانە باقىلاۋدى كۇشەيتۋدى تالاپ ەتتى. سەبەبى, ءوز ىسىنە سالعىرت قارايتىن كومپانيالاردىڭ ءىس-ارەكەتتەرىنىڭ كەسىرىنەن بىرقاتار نىساندار ءالى كۇنگە دەيىن پايدالانۋعا بەرىلمەي وتىر. بۇل تۋرالى وبلىس اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
سونىمەن قاتار, وسىعان دەيىن وبلىستىق قۇرىلىس باسقارماسىنىڭ بىردە-ءبىر جۇمىس مەرزىمىنىڭ بۇزىلۋ دەرەگى بويىنشا دەر كەزىندە سوتقا تالاپ-ارىزداردى ۇسىنباعانىن ايتتى. بۇگىندە 24 مەملەكەتتىك ساتىپ الۋعا قاتىسۋشىنىڭ تەك ۇشەۋى عانا جاۋاپسىز بولىپ تانىلىپ, ەكى جىل بويى تەندەرلىك ۇدەرىستەرگە قاتىسۋ قۇقىعىنان ايىرىلدى.
«سەبەبى, قۇرىلىس باسقارماسىندا جاۋاپسىز مەردىگەرلەردىڭ ناقتى ءتىزىمى بولماعان. وسى ماسەلە بويىنشا زاڭناماعا سايكەس جۇمىس ىستەپ, دەرەۋ سوتقا ارىز بەرۋ كەرەك. بارلىق مەملەكەتتىك ورگاندار وسى ماسەلەگە نازار اۋدارۋلارى ءتيىس», – دەدى دانيال احمەتوۆ.
وسىنداي كومپانيالاردىڭ ارەكەتىنەن قان ورتالىعىنىڭ, بالاباقشالاردىڭ, مەكتەپتەردىڭ, ينتەرنات ءۇيىنىڭ, وڭالتۋ ورتالىعىنىڭ جانە وزگە دە كوپتەگەن الەۋمەتتىك نىسانداردىڭ قۇرىلىستى اياقتاۋ مەرزىمدەرى ۇزاققا سوزىلدى. وسىعان بايلانىستى بۇگىنگى تاڭدا ءتورت مەكتەپتىڭ قۇرىلىسى, زىريان اۋدانىنداعى وڭالتۋ ورتالىعىنا تيەسىلى اكىمشىلىك عيماراتتىڭ جانە تاعى ءتورت نىساننىڭ جاڭعىرتۋ جۇمىستارى اياقتالماعان.
ايتا كەتەيىك, وتكەن جىلدىڭ قورىتىندىسى بويىنشا وبلىستا 118 قۇرىلىس نىسانىنىڭ سالىنۋ كەستەسىنىڭ مەرزىمى بۇزىلدى.
دۋمان اناش.
دەرەك: شىعىس قازاقستان وبلىسى اكىمىنىڭ ءباسپاسوز قىزمەتى.
فوتو: egemen.kz.