استانا. 18 مامىر. ءيزرايلدىڭ كەيساريا ايماعىنان ەجەلگى كەمەنىڭ قالدىقتارى تابىلدى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
كونە جادىگەرلەردى العاش بولىپ دايۆەرلەر تاپقان. وسىدان كەيىن ارحەولوگتارعا حابار بەردى. ولاردىڭ ايتۋىنشا, كەمە ەجەلگى ريم حالقىنا تيەسىلى بولعان. شامامەن وسىدان ءبىر جارىم مىڭ جىل بۇرىن قولادان جاسالعان بۇيىمدار, مۇسىندەر, قۇمىرالار جانە اقشا ارتىپ بار جاتقان كەزىندە سۋعا باتىپ كەتكەن. مالىمەتتەر بويىنشا, كەمەدەن تابىلعان ەجەلگى جادىگەرلەر جاقسى كۇيىندە ساقتالعان.
ماماندار كەمە ءبىزدىڭ زامانىمىزداعى ءىV عاسىردىڭ ورتاسىندا اپاتقا ۇشىراعانىن مالىمدەدى. ول شامامەن ريم يمپەراتورى كونستانتيننىڭ كەزى.
ايان ءابدۋالي.
دەرەك, فوتو: inform.kz.