تاراز. 18 مامىر. م.ح.دۋلاتي اتىنداعى تاراز مەملەكەتتىك ۋنيۆەرسيتەتى مەن حايلبرونن ۋنيۆەرسيتەتى حالىقارالىق باسقارۋ جونىندەگى بىرلەسكەن قازاقستان-گەرمان ۋنيۆەرسيتەتى ستۋدەنتتەر سەمينارىن وتكىزۋدە. بۇل تۋرالى egemen.kz ءتىلشىسى حابارلادى.
م.ح.دۋلاتي اتىنداعى تاراز مەملەكەتتىك ۋنيۆەرسيتەتى حايلبرونن ۋنيۆەرسيتەتىمەن 2014 جىلدان باستاپ ارىپتەستىك بايلانىس ورناتقان. سوندىقتان اتالمىش سەمينار جۇمىسىنا حايلبرونن ۋنيۆەرسيتەتىنىڭ پروفەسسورى ياۆورسكي ەجي جانە 12 ستۋدەنتى قاتىسۋدا. سەميناردا قازاقستان مەن گەرمانيا, سونداي-اق ورتالىق ازيا اراسىنداعى ەكونوميكالىق قارىم-قاتىناستاردىڭ جاي-كۇيى قاراستىرىلادى.
سونىمەن قاتار, سەمينار قوناقتارىنا تاراز قالاسىنداعى «قازفوسفات» اق-ى, «رىسباەۆا جانە ك» جشس-ءى سىندى ءوندىرىس وشاعى مەن كاسىپكەرلىك نىساندارى تانىستىرىلىپ, وبلىس اۋماعىنداعى اۋليە-باستاۋ, بەرىكقارا شاتقالى مەملەكەتتىك تابيعي-قورىعى جانە بيلىكول اۋماعىنا, كونە تاراز ارحەولوگيالىق كەشەنىنە ەكو-تۋر ۇيىمداستىرىلادى.
جالپى, حايلبرونن ۋنيۆەرسيتەتىمەن ارىپتەستىك ارقاسىندا تارمۋ جوعارى ءبىلىم بەرۋدەگى سالاسىنداعى ۇلكەن جەتىستىكتەرگە قول جەتكىزدى. 2014 جىلى قىركۇيەك ايىنىڭ 14 جۇلدىزىندا تارمۋ-عا لەكتسيا وقۋ ءۇشىن حايلبرونن ۋنيۆەرسيتەتىنىڭ پروفەسسورى ەجي ياروۆسكي شاقىرىلدى. ال 2015 جىلدىڭ قازان ايىندا پروفەسسور ەجي ياروۆسكي قازاق حاندىعىنىڭ 550 جىلدىعىنا ارنالعان مەرەيلى تويعا قاتىسقان بولاتىن.
اكادەميالىق ۇتقىرلىق باعدارلاماسى اياسىندا 2014-2015 وقۋ جىلىندا م.ح.دۋلاتي اراسىنداعى تاراز مەملەكەتتىك ۋنيۆەرسيتەتىنىڭ ستۋدەنتتەرى اسەم باسقانباەۆا, انار سمايلوۆا جانە 2015-2016 وقۋ جىلىندا باعجان نۇرجانوۆا حايلبرونن ۋنيۆەرسيتەتىندە وقىپ كەلدى. ال تارمۋ ماگيسترانتى اقمونشاق كوكەي حەيلبروننە ۋنيۆەرسيتەتىندە بادەن-ۆيۋرتەمبەرگ ستيپەندياسى بويىنشا ءبىلىم الۋدا.
سايكەسىنشە, بۇگىندە تاراز مەملەكەتتىك ۋنيۆەرسيتەتىندە حايلبرونن ۋنيۆەرسيتەتىنىڭ ستۋدەنتى دجەننيففەر كەرن «مەنەدجمەنت» ماماندىعى بويىنشا وقىپ جاتىر. ازىرگە, تارمۋ مەن حايلبرونن اراسىنداعى قوس ديپلومدى ءبىلىم بەرۋ باعدارلاماسى «مەنەدجمەنت», «تۋريزم» جانە «ەكونوميكا» ماماندىقتارى بويىنشا جۇزەگە اسۋدا. بولاشاقتا بۇل ماماندىقتار تىزىمىنە ەلىمىزدىڭ ەڭبەك نارىعىنداعى اسا قاجەتتى ماماندىقتارمەن تولىعا بەرمەكشى.
ورالحان ءداۋىت.
دەرەك, فوتو: egemen.kz
// o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e