ماسكەۋدە «جۇلدىزدار توعىسقاندا» ءفيلمىنىڭ تۇساۋكەسەرى بولدى

استانا. 18 مامىر. ماسكەۋدە قازاقستان پرەزيدەنتىنىڭ ءومىرى جايلى تۇسىرىلگەن «جۇلدىزدار توعىسقاندا» اتتى كينوتۋىندىنىڭ  4-ءبولىمىنىڭ تۇساۋكەسەرى ءوتتى. بۇل تۋرالى 24.kz-كە سىلتەمە جاساعان egemen.kz ءتىلشىسى حابارلادى. فيلمدە ەلباسىنىڭ كورەگەن ساياساتكەرگە اينالۋ جولى مەن 80-90 جىلدارداعى ەل دامۋى كورسەتىلگەن. ستسەناري نۇرسۇلتان نازارباەۆتىڭ كىتاپتارى, ونىڭ ارىپتەستەرى مەن تۋىستارىنىڭ ەستەلىكتەرى بويىنشا جازىلعان. قازاقستاندىق كينونى كورۋگە كەلگەن سىنشىلار جاڭا تۋىندى جايلى جاعىمدى پىكىرلەر ايتتى. وتاندىق كينونىڭ تۇساۋى كەسىلمەس بۇرىن ماسكەۋ كينو ۇيىندە قازاقستاننىڭ مادەنيەت جانە سپورت مينيسترىلىگى مەن رەسەيدىڭ كينەماتوگرافيستەر وداعى ىنتىماقتاستىق تۋرالى مەموراندۋمعا قول قويدى. ەكى ەلدىڭ مادەنيەت قايراتكەرلەرى ءبىر ورتاق ماقساتقا قول جەتكىزبەك. رەسەيلىكتەر ەۋرازيا ايماعىندا «وسكار» كينوسىيلىعىنىڭ بالاماسىن تاعايىنداۋدى ۇسىنسا, قازاقستاندىق تاراپ وتاندىق كينويندۋستريانى حالىقارالىق دەڭگەيگە شىعارماق. «ءبىزدىڭ ماقساتىمىز – قازاق كينوسىن حالىقارالىق دەڭگەيگە شىعارۋ. وسى مەموراندۋمنىڭ ارقاسىندا يالتا فەستيۆالىنە, ماسكەۋ كينوفەستيۆالىنە قاتىسۋدى جوسپارلاپ وتىرمىز. ءبىزدىڭ جاقسى كينولارىمىز كوپ», – دەدى مادەنيەت جانە سپورت ءمينيسترى ارىستانبەك مۇحامەدي ۇلى. «بۇگىنگى تاڭدا ءبىز رەسمي تۇردە ەۋرازيا ايماعىنداعى ەلدەرمەن بىرقاتار جوبالاردى جۇزەگە اسىرماقپىز. بولاشاقتا ەۋرازيالىق اكادەميا «وسكار» سىيلىعىنىڭ بالاماسىن ۇيىمداستىرۋدى كوزدەپ وتىر», – دەدى  رەسەي كينەماتوگرافيستەر وداعىنىڭ توراعاسى نيكيتا ميحالكوۆ. ءباسپاسوز ءماسليحاتىندا پرەزيدەنت ءرولىن سومداۋ وڭاي ەمەستىگى ايتىلدى. اسىرەسە, ارتىلاتىن جاۋاپكەرشىلىك زور. سونىمەن قاتار, بۇل تەك ءبىر تۇلعانىڭ باسىنان ءوتىپ جاتقان وقيعالار عانا ەمەس, بۇتىندەي ءبىر ەلدىڭ تاريحى جانە تاعدىرى. «پرەزيدەنت نۇرسۇلتان نازارباەۆ تۋرالى فيلمدە بارلىق ەلدىڭ تىنىس-تىرشىلىگى مەن تاعدىردىڭ ءارتۇرلى سوقپاقتارىنان قالاي وتكەندىگى كەرەمەت كورسەتىلگەن. اسىرەسە, بۇكىل ەلدىڭ XXI عاسىرعا قادامى دەپ ايتار ەدىم. نازارباەۆ دەسە قازىر كوپشىلىكتىڭ كوز الدىنا يادرولىق قارۋدان باس تارتىپ, بەيبىت الەم قالىپتاستىرۋعا اتسالىسىپ جۇرگەن تۇلعا ەلەستەيدى», –  دەدى رەسەي مەملەكەتتىك دۋماسىنىڭ دەپۋتاتى ماكسيم شينگاركين. 1986 جىلعى جەلتوقسان وقيعاسى مەن 1991 جىلى قول جەتكىزگەن تاۋەلسىزدىك قازاقستان تاريحىندا التىن ارىپتەرمەن جازىلارى انىق. بۇعان قوسا, ەلدىڭ الەمدە ءبىرىنشى بولىپ يادرولىق قارۋدان باس تارتقاندىعى دا بار. اتالعان باستامالار فيلمدە كەرەمەت كورىنىس تاپقان. پرەزيدەنتتى ەلدىڭ تاعدىرىمەن قاتار الەمنىڭ تىنىشتىعىنا الاڭداعانى دا جاقسى كورىنىس تابادى. «نازارباەۆ مۇنداي قۇرمەتكە ابدەن لايىق دەپ ويلايمىن. ونىڭ ءوز ەلىنە دە, بۇكىل الەمگە دە قوسقان ۇلەسى مول», – دەيدى  رەسەي فەدەراتسياسىنىڭ حالىق ءارتيسى, رەجيسسەر ۆلاديمير حوتينەنكو. فيلم اۆتورلارى جاقىندا ونىڭ 4-ءبولىمى جارىققا شىعاتىنىن ايتادى. ايان ءابدۋالي. دەرەك, فوتو: 24.kz. // o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e // o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e