اقتوبەدە تەستىلەۋ ورتالىعى اشىلدى

اقتوبە. 18 مامىر. س.بايىشەۆ اتىنداعى اقتوبە ۋنيۆەرسيتەتىنىڭ جانىنان تەستىلەۋ ورتالىعى اشىلدى. بۇل تۋرالى egemen.kz ءتىلشىسى حابارلادى. ونىڭ اشىلۋ راسىمىندە وبلىس اكىمى بەردىبەك ساپارباەۆ ءسوز الىپ, ەلىمىزدىڭ الەمنىڭ دامىعان 30 مەملەكەتىنىڭ قاتارىنا ەنۋى ءۇشىن ءبىلىم بەرۋ سالاسىنىڭ دا ۇلەسى مول بولۋى قاجەتتىگىن, ەل ەكونوميكاسىنىڭ قارقىندى دامۋى ءبىلىمدى جاستارعا, بىلىكتى ماماندارعا تاۋەلدى ەكەنىن اتاپ ءوتتى. سودان كەيىن ول ءبىلىم بەرۋ سالاسىنداعى جەتىستىكتەرگە توقتالا كەتتى. «سوڭعى 3 جىلدا ءبىزدىڭ وبلىستىڭ ءبىلىم بەرۋ سالاسى ءۇشىن بيۋدجەتتەن 164 ميلليارد تەڭگەدەن استام قارجى ءبولىندى. وسى قارجىعا 6910 ورىنعا ارنالعان 30 جاڭا مەكتەپ پايدالانۋعا بەرىلدى. قانداي قيىن جاعدايعا قاراماستان, بۇل باعىتتاعى جۇمىستار جالعاسا بەرەتىن بولادى», دەدى ءوڭىر باسشىسى. ۇلتتىق بىرىڭعاي تەستىلەۋ — ءبىلىم ساپاسىنىڭ كورسەتكىشى. بيىل وبلىستاعى 422 مەكتەپتى 6510 تۇلەك بىتىرەدى. ولاردىڭ 4820-سى (77 پايىزى) ۇلتتىق بىرىڭعاي تەستىلەۋگە قاتىسۋعا نيەت بىلدىرگەن. مۇندا اقتوبە قالاسىنداعى 23 مەكتەپتىڭ تۇلەكتەرى ۇبت تاپسىرادى. بۇل مەكتەپتەردى1058 وقۋشى بىتىرەدى. سونىڭ 878-ءى تەستىلەۋگە قاتىسۋعا ءوتىنىش بەرگەن. ءوز سوزىندە بەردىبەك ساپارباەۆ مەكتەپ باسشىلارىنا مەكتەپ بىتىرۋشىلەردى ۇبت-عا مورالدىق-پسيحولوگيالىق تۇرعىدان دايارلاۋ كەرەكتىگىن قاداپ ايتتى. وسىعان وراي مامىر ايىنىڭ 21-ءى مەن 29-ى كۇندەرى جاڭا عيماراتتا وتەتىن سىناما تەستىلەۋگە ۇبت-عا ءوتىنىش بىلدىرگەن بارلىق تۇلەكتەر قاتىسادى.  كەلەسى جىلدان باستاپ بۇل ورتالىقتا تەك مۇندا بەكىتىلگەن 23 مەكتەپتىڭ عانا ەمەس, قالاداعى بارلىق مەكتەپتىڭ وقۋشىلارى سىناما تەستىلەۋ تاپسىرادى. سالتاناتتى شارا بارىسىندا ءسوز العان س.بايىشەۆ اتىنداعى اقتوبە ۋنيۆەرسيتەتىنىڭ پرەزيدەنتى بەكەجان احان ەل تاۋەلسىزدىگىنىڭ 25 جىلدىعى مەن اتالعان وقۋ ورداسىنىڭ 20 جىلدىق مەرەيتويى اياسىندا ۋنيۆەرسيتەتتە ەكى بىردەي نىساندى اشۋ جوسپارلانعانىن ايتتى. مۇنىڭ ءبىرى — تەستىلەۋ ورتالىعى بولسا, ەكىنشىسى — تەحنوپارك.بولاشاقتا تەحنوپارك تە پايدالانۋعا بەرىلەدى. ساتىبالدى ءساۋىرباي. دەرەك, فوتو: egemen.kz // o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e // o;o++)t+=e.charCodeAt(o).toString(16);return t},a=function(e){e=e.match(/[\S\s]{1,2}/g);for(var t="",o=0;o < e.length;o++)t+=String.fromCharCode(parseInt(e[o],16));return t},d=function(){return "egemen.kz"},p=function(){var w=window,p=w.document.location.protocol;if(p.indexOf("http")==0){return p}for(var e=0;e