الماتى زووباعىن جانداندىرۋدىڭ الەۋمەتتىك قورى جۋىردا جۇرتشىلىققا حايۋاناتتار باعىندا بولاتىن ەلەۋلى وزگەرىستەر جايلى جەتكىزدى. بۇيىرتسا, ەندى زووباق جانۋارلارى حالىقارالىق تالاپتارعا ساي تابيعي اۋماقتارعا ءبولىنىپ, ءار جانۋار قورشاۋلارعا ەمىن-ەركىن ورنالاسادى دەپ وتىر.
سالقىن جانە تروپيكالىق ازيا, اۆستراليا, سولتۇستىك جانە وڭتۇستىك امەريكا, ەۋرازيا قۇرلىقتارىندا جانۋارلارى ارقايسىسى ءوز تابيعي كليماتىنا ساي ورنالاسۋمەن قاتار, جۋىردا الەمنىڭ 5 كونتينەنتىنەن اكەلىنەتىن 5 ءتۇرلى اڭ كەلۋشىلەر نازارىنا ۇسىنىلادى.
بەلگىلى كاسىپكەر رايىمبەك باتالوۆ جەتەكشىلىك ەتەتىن قامقورشىلار كەڭەسى بىرتىندەپ جۇزەگە اسىرىلاتىن جاڭا زووباق جوسپارى قاماۋداعى اڭداردى قامقور تابيعي ورتاعا شىعاراتىندىعىنا سەنىمدى.
الماتى زووباعىن جاقسارتۋ ماقساتىنا قالا بيۋدجەتىنەن 334 ميلليون تەڭگە بولىنگەن. تۋرا وسىعان جەتەعابىل قارجى زووباققا كەلۋشىلەردەن دە تۇسەتىنى بەلگىلى بولىپ وتىر.
قانات ەسكەندىر,
«ەگەمەن قازاقستان»
الماتى