قاراعاندى. 17 مامىر. قاراعاندىدا دەنساۋلىق ساقتاۋ سالاسىنىڭ تۇڭعىش احۋالدىق ورتالىعى اشىلدى. بۇل تۋرالى وبلىس اكىمىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
ورتالىقتى قۇرۋدىڭ ارقاسىندا وبلىستىق دەنساۋلىق ساقتاۋ باسقارماسى وڭىردەگى دەنساۋلىق ساقتاۋ جۇيەسىن قاداعالاۋ جانە باسقارۋدىڭ ءتيىمدى تەتىگىنە قول جەتكىزەدى. سونىمەن قاتار, اتالعان ورتالىق مەديتسينالىق ۇيىمدار, مامانداندىرىلعان قىزمەتتەر جۇمىسىنىڭ كورسەتكىشتەرىنە جەدەل مونيتورينگ جۇرگىزىپ, ولاردىڭ قىزمەتىن ۇدايى قاداعالاپ وتىرۋعا مۇمكىندىك بەرەدى.
احۋالدىق ورتالىق جۇمىسى جولعا قويىلعاندا ماڭىزدى اقپاراتتار جەدەل الىنىپ, باسقارۋشىلىق شەشىمدەر ۋاقتىلى قابىلدانىپ, بارلىق دەڭگەيدەگى دەنساۋلىق ساقتاۋ سالاسى جۇمىسىنىڭ تيىمدىلىگى ارتادى جانە تۇرعىندار دەنساۋلىق ساقتاۋ جۇيەسىنە قاناعاتتانارلىق باعا بەرەدى دەپ كۇتىلۋدە.
قايرات ءابىلدينوۆ.
دەرەك, فوتو: قاراعاندى وبلىس اكىمىنىڭ ءباسپاسوز قىزمەتى.