قاراعاندى. 17 مامىر. قاراعاندى قالاسىندا حايۋاناتتار باعىنىڭ بۇرىنعى ديرەكتورىنىڭ ءىسى سوتتا قارالىپ جاتىر. بۇل تۋرالى وبلىستىق سوتتىڭ ءباسپاسوز قىزمەتىنە سىلتەمە جاساعان ءتىلشىسى حابارلادى.
ەكس-ديرەكتورعا قىلمىستىق كودەكستىڭ سىبايلاس جەمقورلىق قىلمىسىنىڭ سيپاتى بار «لاۋازىمدىق وكىلەتتىگىن اسىرا پايدالانعان» بابى ايىپ رەتىندە تاعىلعان.
سىبايلاس جەمقورلىققا قارسى كۇرەس بويىنشا ۇلتتىق بيۋرو دەپارتامەنتى قىزمەتكەرلەرىنىڭ تۇجىرىمى بويىنشا, حايۋاناتتار باعىنىڭ بۇرىنعى باسشىسى مەكەمەدەگى اڭداردى قاراعاندى قالالىق اكىمدىگىنىڭ كەلىسىمىنسىز زاڭسىز ايىرباستاپ جانە ساتىپ, مەملەكەتكە ەداۋىر شىعىن كەلتىرگەن.
ايتا كەتەيىك, 2015 جىلى حايۋاناتتار باعىندا پروكۋرورلىق تەكسەرىس بولىپ, بىرقاتار زاڭبۇزۋشىلىقتىڭ بەتى اشىلعان ەدى. سول تەكسەرىس ناتيجەسىندە ءوز مىندەتتەرىنە جاۋاپسىز قاراعان 16 قىزمەتكەر تارتىپتىك جاۋاپقا تارتىلعان.
قايرات ءابىلدينوۆ.
دەرەك: قاراعاندى وبلىستىق سوتتىڭ ءباسپاسوز قىزمەتى.
فوتو: kapital.kz.