استانا. 17 مامىر. الماتى قالاسىندا وزگە ۇلت وكىلدەرى قازاق تىلىنەن ديكتانت جازادى. بۇل تۋرالى inform.kz-كە سىلتەمە جاساعان egemen.kz ءتىلشىسى حابارلادى.
جالپىقازاقستاندىق اشىق ديكتانت ەل تاۋەلسىزدىگىنىڭ 25 جىلدىعى اياسىندا وتەتىن «ماڭگىلىك ەل» پاتريوتتىق اكتىسىنە ارنالادى. بۇل شارا ەرتەڭ دوستىق ۇيىندە وتەدى.
«ماڭگىلىك ەل» پاتريوتتىق اكتىسىن ناسيحاتتاۋ ارقىلى مەملەكەتتىك ءتىلدى بىلۋگە قىزىعۋشىلىقتى ارتتىرىپ, قازاقستاندىق بىرەگەيلىكتى قالىپتاستىرۋ, قوعامدىق كەلىسىم مەن ەل بىرلىگىن نىعايتۋ كوزدەلىپ وتىر.
«تۇراقتىلىقتى, قازاقستاندىق بىرەگەيلىك پەن بىرلىكتى نىعايتۋ, قازاقستان حالقىن توپتاستىرۋشى فاكتور رەتىندە مەملەكەتتىك ءتىلدىڭ ءرولىن نىعايتۋ, قاتىسۋشىلارعا قازاق ءتىلىن ءبىلۋ جانە ساۋاتتى جازۋ دەڭگەيىن تەكسەرۋگە مۇمكىندىك بەرۋ, ساۋاتتى قوعام بولۋدىڭ ماڭىزدىلىعىنا نازار اۋدارتۋ باستى مىندەت», – دەدى الماتى قالاسى اكىمى اپپاراتىنىڭ وكىلى ەڭلىك ەربولقىزى.
تالعات ءسۇيىنباي.
دەرەك, فوتو: inform.kz.