قاراعاندى. 17 مامىر. قاراعاندىدا وبلىستىق مما ارالاس جەكپە-جەك فەدەراتسياسىنىڭ وكىلدەرى جەرگىلىكتى پوليتسيا قىزمەتى جول پاترۋلدىك پوليتسياسى پولكىنىڭ قىزمەتكەرلەرىنە ارناپ شەبەرلىك سىنىبىن وتكىزدى. بۇل تۋرالى قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتىنە سىلتەمە جاساعان egemen.kz ءتىلشىسى حابارلادى.
مما ارالاس جەكپە-جەكتەن قاراعاندى وبلىسى قۇراماسىنىڭ جانە TOP TEAM MMA KARAGANDA كلۋبىنىڭ اعا جاتتىقتىرۋشىسى سامات بەردەش ۇلى قوجاحمەتوۆ ءتارتىپ ساقشىلارىنا ءبىر جارىم ساعاتتاي جەكپە-جەكتىڭ تاسىلدەرىن كورسەتىپ, دايىندىق جاتتىعۋلارىن جۇرگىزدى.
قاراعاندى قالالىق ىشكى ىستەر باسقارماسىنىڭ جەرگىلىكتى پوليتسيا قىزمەتى جول-پاترۋلدىك پوليتسياسىنىڭ كومانديرى, پوليتسيا پولكوۆنيگى سىمبات تورەبەكوۆ ءوز اتىنان جانە جەكە قۇرام اتىنان وتكىزىلگەن شەبەرلىك ساباعى ءۇشىن فەدەراتسيا وكىلدەرىنە العىس ايتتى.
قايرات ءابىلدينوۆ.
دەرەك, فوتو: قاراعاندى وبلىستىق ىشكى ىستەر دەپارتامەنتىنىڭ ءباسپاسوز قىزمەتى.