ازامات ەسەنجول«Egemen Qazaqstan»
271 ماتەريال تابىلدى

اباي • 05 قازان، 2022

توعىسباەۆتىڭ «ابايى»

قازاق بەينەلەۋ ونەرىندە حاكىم اباي اتامىز­دىڭ بەينەسىن بوياۋ تۇسىمەن سويلەت­پەگەن قىل­قالام شەبەرلەرى كەمدە-كەم. جانە ولار­دىڭ بارىندە دە اقىن تۇلعاسى ءار قىرىنان بەينەلەنىپ، ايشىقتى سومدالعان. سونداي جۇرتشىلىق كوڭىلىنەن شىققان تۋىندىنىڭ ءبىرى، كورنەكتى سۋرەتشى توقبولات توعىسباەۆتىڭ «اباي» پورترەتى.

تانىم • 05 قازان، 2022

كورەي بالالارىنىڭ كيىمى

استاناداعى تۇڭعىش پرەزيدەنت كىتاپحاناسىندا «اتا-انا جۇرەگىنىڭ مەيىرىمى» اتتى كورەي ءداستۇرلى بالالار كيىمى كورمەسىنىڭ اشىلۋى ءوتتى.

ونەر • 04 قازان، 2022

جاس كومپوزيتورلار جارىسى

استانادا مادەنيەت جانە سپورت مينيسترلىگىنىڭ قولداۋىمەن «New Music Generation 2022» اتتى ءىV حالىقارالىق كومپوزيتورلار بايقاۋى باستالدى.

رۋحانيات • 25 قىركۇيەك، 2022

«ارتىق ءبىلىم – كىتاپتا...»

الاش ارداقتىسى مىرجاقىپ دۋلات ۇلى وتكەن عاسىر باسىندا: «...ادەبيەتى جوق حالىقتىڭ دۇنيەدە ءومىر ءسۇرۋى، ۇلتتىعىن ساقتاپ ىلگەرى باسۋى قيىن. ادەبيەتى، تاريحى جوق حالىقتار باسقالارعا ءسىڭىسىپ، جۇتىلىپ جوق بولادى. قاي جۇرتتىڭ بولسا دا جانى – ادەبيەت، جانسىز ءتان جاساماق ەمەس»، دەپ ايتقان وسى ءبىر ۇلاعاتتى سوزىنەن قازاقتىڭ قانشاما عاسىر بويى ءتۇرلى تەپەرىش پەن زوبالاڭدى كورسە دە ۇلتتىق بولمىسى مەن رۋحىن جوعالتپاۋىنىڭ نەگىزى قۇنارلى ادەبيەتىمىزدە جاتقانىن تۇسىنەمىز. ادەبيەتىمىزدىڭ بار اسىلى كىتاپتا. ءبىر كەزدە حالقىمىز كىتاپقۇمار ۇلتقا اينالدى. اقىن-جازۋشىلاردىڭ مىڭداعان تيراجبەن جارىق كورگەن شىعارمالارى ءاپ-ساتتە تاراپ، وقىرمان قولىندا ءجۇردى. قازىر وسى قاسيەتىمىز ساقتالىپ قالدى ما، ناقتى ايتا المايمىز. ويتكەنى قوعام، ۋاقىت وزگەردى. قۇندىلىقتار الماستى. الايدا كىتاپتىڭ ورنى، قادىر-قاسيەتى بولەك. كىتاپتى ءپىر تۇتقان ۇلت العا شىعىپ، وركەنيەت داڭعىلىندا كوش باستادى. بۇگىندە باتىس ەلدەرى كىتاپ وقۋعا قايتا بەت بۇردى. بىزدە بۇل ءۇردىس بايقالا ما؟ وسى رەتتە جازۋشى، فيولوگيا عىلىمدارىنىڭ دوكتورى، پروفەسسور سەرىك اسىلبەك ۇلى، اقىن، جۋرناليست قوناقباي ساتتاروۆ، فريلانسەر اۋدارماشى دينارا مازەن، جازۋشى، ادەبي بايقاۋلاردىڭ لاۋرەاتى جادىرا شامۇراتوۆا، «قازىنا» كىتاپ دۇكەندەرى جەلىسىنىڭ باسشىسى الماس شايكەن دوڭگەلەك ۇستەل ماجىلىسىندە تاقىرىپقا قاتىستى بىرقاتار ماسەلەنى تالقىلاپ، وي-پىكىرلەرىن ورتاعا سالدى.

قازاقستان • 25 قىركۇيەك، 2022

اكادەميك تۇرعان ۇيگە ەسكەرتكىش-تاقتا ورناتىلدى

استانادا اسا كورنەكتى ادەبيەت­تا­نۋشى عالىم، سىنشى، ۇلتتىق عىلىم اكادە­ميا­سىنىڭ اكادەميگى، مەملەكەتتىك سىي­لىقتىڭ لاۋرەاتى سەرىك قيراباەۆتىڭ 2009-2021 جىلدارى تۇرعان ش.قالداياقوۆ 2 مەكەن­جايىنداعى ۇيىنە ەسكەرتكىش-تاقتا قويىلدى. مازمۇندى ءىس-شاراعا پار­لامەنت دەپۋتاتتارى، زيالى قاۋىم وكىل­دەرى جانە اكادەميكتىڭ وتباسى مەن شاكىرت­تەرى قاتىسىپ، ۇزاق جىل­دار جوعارى ءبىلىم مەن عىلىم سالا­سىندا ەڭبەك ەتىپ، ونەگەلى ءىز قال­دىرعان ايتۋلى تۇلعانى ەسكە الدى.

ونەر • 25 قىركۇيەك، 2022

بوچەلليدىڭ اريالارى شىرقالدى

ەلورداداعى روزا باعلانوۆا اتىنداعى «قازاقكونتسەرت» مەم­لەكەتتىك كونتسەرتتىك ۇيىمىندا قازاق مەملەكەتتىك سيم­­فونيالىق وركەسترىنىڭ «اندرەا بوچەلليدىڭ رەپەر­تۋا­رىنداعى ايگىلى اريالار مەن اندەر» اتتى كەرەمەت كەش ءوتتى.

رۋحانيات • 21 قىركۇيەك، 2022

بابالار رۋحى تۋرالى تريلوگيا

استاناداعى ۇلتتىق اكادەميالىق كىتاپحانادا بەلگىلى جازۋشى، حالىق­ارالىق «الاش» ادەبي سىيلىعىنىڭ لاۋرەاتى ادىلبەك ىبىرايىم­ ۇلىنىڭ «سەمسەر جۇزىندەگى سەرت» اتتى ءۇش كىتاپتان تۇراتىن تاريحي تريلوگياسى تانىستىرىلدى. وعان ۇعا-نىڭ اكادەميگى ءۋاليحان قاليجان ۇلى، جازۋشىلار الىبەك اسقاروۆ، ءمادي ايىمبەتوۆ، نەسىپ جۇنىسباەۆ، روزا مۇقانوۆا جانە تۇركىتانۋشى عالىم قارجاۋباي سارتقوجا ۇلى مەن پارلامەنت دەپۋتاتتارى ءالىمجان قۇرتاەۆ، نۇرتورە ءجۇسىپ، دارحان مىڭباي سەكىلدى تانىمال ازاماتتار قاتىستى.

سۇحبات • 21 قىركۇيەك، 2022

بولات ىبىراەۆ: تەاترداعى ۇلتتىق بولمىسىمىزدى جوعالتىپ المايىق

ءبىزدىڭ كەيىپكەرىمىز ۇزاق جىل ساحنادا ع.مۇسىرەپوۆتىڭ «اقان سەرى-اقتوقتىسىندا» – جالمۇقان، «قىز جىبەگىندە» – بازارباي، م.اۋەزوۆتىڭ «قارا قىپشاق قوبىلاندىسىندا» – كوبىك، «قاراگوزىندە» – جاباي، «ابايىندا» – ورازباي، «ەڭلىك-كەبەگىندە» – كەڭگىرباي بي، ش.ايتماتوۆتىڭ «عاسىردان دا ۇزاق كۇنىندە» – ەدىگە، م.كارىمنىڭ «اي تۇتىلعان تۇنىندە» – ديۋانا، ۋ.شەكسپيردىڭ «رومەو مەن دجۋلەتتاسىندا» – پاستور، «گاملەتىندە» – پولوني، ا.چەحوۆتىڭ «ۆانيا اعايىندا» – ۆوينيتسكي جانە ت.ب. ايشىقتى رولدەرىمەن كورەرمەن ىقىلاسىنا بولەنگەن. ومىردەن كورگەنى مەن تۇيگەنى مول ونەر يەسىنىڭ ايتارى دا كوپ. وسى ورايدا ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق دراما تەاترىنىڭ بەلگىلى اكتەرى بولات ىبىراەۆپەن كەزدەسىپ، ونەر جولى مەن بۇگىنگى تەاتر الەمى تۋرالى اڭگىمەلەستىك.

كينو • 15 قىركۇيەك، 2022

ۇلت رۋحىن ۇلىقتاعان

الاش ارداقتىلارى ارمانداعان تاۋەلسىزدىك يدەياسى قىلىشىنان قان تامعان كەڭەس داۋىرىندە دە وشكەن ەمەس. ونى اقىن-جازۋشىلارىمىز ءوز شىعارمالارىنداعى كەيىپكەر بەينەسى نەمەسە سوندا قوزعاعان ۇلتتىق قۇندىلىقتار ارقىلى استارلاپ بولسا دا سىنالاپ كىرگىزىپ، حالقىمىزدىڭ نامىسىن قايراپ، جىگەرىن جانىپ، ازات رۋحىن اسقاقتاتتى. وسىنداي مازمۇن سول كەزدەگى قازاق كينوسىندا دا كورىنىس تاپتى. سون­داي تۇعىرى بيىك تۋىندىنىڭ ءبىرى، 1981 جىلى ەكرانعا شىققان «اقىرعى امانات» كوركەم ءفيلمى. بۇل ءفيلم­نىڭ ستسەناريىن كورنەكتى اقىن، مەملەكەتتىك سىيلىق­تىڭ لاۋرەاتى ولجاس سۇلەيمەنوۆ جازسا،تۇسىرگەن – ايتۋلى رەجيسسەر، مارقۇم امانگەلدى تاجىباەۆ.

ونەر • 15 قىركۇيەك، 2022

اسەم ساز الديلەگەن كەش

ەلوردادا ءوتىپ جاتقان الەمدىك جانە ءداستۇرلى دىندەر كوشباسشىلارىنىڭ VII سەزى اياسىندا «استانا وپەرا» تەاترىندا «بىرلىگىمىز – ارالۋاندىقتا» اتتى مازمۇندى باعدارلاماعا تولى كونتسەرت ءوتتى.