
قوعام • 17 شىلدە، 2022
قارجى پيراميداسى: قاتايتىلعان زاڭ قورعان بولا ما؟
«جاۋ جاعادان العاندا ءبورى ەتەكتەن الادى» دەمەكشى، باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ مالىمەتىنە قاراعاندا، كوروناۆيرۋس پاندەمياسى القىمنان الىپ تۇرعان 2020 جىلى ەلىمىزدە قارجى پيراميدالارىن قۇرۋ بويىنشا 181 قىلمىستىق ءىس قوزعالعان ەكەن. قاتەرلى ىندەتتىڭ قىسپاعىندا قالىپ، تۇرمىسى تومەندەپ كەتكەن مىڭداعان ادامنىڭ قولىنداعى از-مۇز پ ۇلىن ەسەلەپ كوبەيتىپ بەرەمىز دەپ الداپ-ارباپ، قالتالارىنا باسىپ كەتكەن الاياقتاردىڭ زارى ءوتىپ-اق تۇردى. وسىعان وراي پرەزيدەنت قاسىم-جومارت توقاەۆ بىلتىرعى جولداۋىندا: «الاياقتىقتىڭ كوبەيۋىنە بايلانىستى ازاماتتاردىڭ نارازىلىق ءبىلدىرۋى ورىندى. باس پروكۋراتۋرا الاياقتىققا جانە قارجى پيراميدالارىنا قارسى كەشەندى شارالار ازىرلەيدى»، دەگەن بولاتىن.
سۇحبات • 11 شىلدە، 2022
ۇلتتىق بانكتىڭ توراعاسى عالىمجان ءپىرماتوۆ «Egemen Qazaqstan»-عا ارنايى سۇحبات بەرىپ، ينفلياتسيا بويىنشا ورتا مەرزىمدى بولجامدار، ۆاليۋتا نارىعىنداعى احۋال، سونداي-اق ۇلتتىق بانكتىڭ بازالىق مولشەرلەمەنى كوتەرۋ فاكتورى جانە ونىڭ ەكونوميكانى كرەديتتەۋگە اسەرى تۋرالى اڭگىمەلەدى.
سۇحبات • 10 شىلدە، 2022
«KEGOC» اق: قازاقستان ۇلتتىق ەلەكتر تورابىنىڭ قارقىندى دامۋى – ۋاقىت تالابى
بۇگىن «ەلەكتر جەلىلەرىن باسقارۋ جونىندەگى قازاقستان كومپانياسى (Kazakhstan Electricity Grid Operating Company) «KEGOC» اكتسيونەرلىك قوعامىنىڭ قۇرىلعانىنا 25 جىل تولدى. وسى ايتۋلى داتا قارساڭىندا «KEGOC» اق باسقارماسىنىڭ توراعاسى قانىش مولداباەۆ «Egemen Qazaqstan»-عا سۇحبات بەرىپ، ەلىمىزدىڭ ەلەكتر ەنەرگەتيكاسى سالاسىنداعى جەتەكشى كومپانيانىڭ قۇرىلۋ تاريحى، قازىرگى جاعدايى جانە كەلەشەگى جايلى ايتتى.
قوعام • 07 شىلدە، 2022
تويشىلدىق: ۇكىمەت قاۋلىسى نەگە قاۋقارسىز؟
قازاقتىڭ ۇلى اباي سىناعان بەس دۇشپانىنىڭ ءبىرى – بەكەر مال شاشپاق. وتكەن عاسىردىڭ باسىنداعى الاپات اشارشىلىقتى باسىنان وتكەرسە دە، حالقىمىز ودان ەس جيا كەلە، ەسكى ادەتىنە قايتا باسىپ، توي وتكىزۋدەن ءبىر-بىرىمەن باسەكەگە تۇسكەندەي جاعدايعا جەتتى. ونى ءتىپتى الەمدى القىمىنان العان كوروناۆيرۋس پاندەمياسى دا توقتاتا المادى. مەيرامحانالار مەن تويحانالاردا تىعىلىپ توي جاساعانى ءۇشىن جۇزدەگەن ادامعا ايىپپۇل سالىنعانى – سونىڭ ايعاعى. ال «بارماق باستى، كوز قىستىمەن» ونداي جازادان قۇتىلىپ كەتكەندەر سانى قانشا ەكەنى ءبىر اللاعا ايان.
قوعام • 30 ماۋسىم، 2022
مەكتەپ اسحاناسىندا – مەيرامحانا باعاسى...
ەلىمىزدىڭ جاڭا تاريحىندا ەندى بۇرىنعى قازاقستان، ءھام ءبىرىنشى رەسپۋبليكا بولىپ جازىلاتىن كەزەڭدە كەزدەيسوق ادامدار دا «ەبىن تاۋىپ» مينيستر بولىپ تاعايىندالىپ، ءبىلىم سالاسىنىڭ دا، عىلىم سالاسىنىڭ دا بەرەكەسىن قاشىرعاندىقتان، قوعام قايراتكەرلەرى، پارلامەنت دەپۋتاتتارى، زيالى قاۋىم وكىلدەرى كەيىنگى كەزدە ءبىلىم جانە عىلىم مينيسترلىگىن ەكىگە ءبولۋ قاجەت دەگەن پىكىر ءبىلدىرىپ ءجۇردى.
قوعام • 27 ماۋسىم، 2022
الەۋمەتتىك مارتەبەسى جوق ماماندىق
ەلىمىزدىڭ جۋرناليستەر قاۋىمى كورنەكتى قالامگەر، مەملەكەت جانە قوعام قايراتكەرى شەرحان مۇرتازانىڭ «جۋرناليست اتان تۇيە سەكىلدى. ارقالاعانى التىن بولعانىمەن، جەگەنى – جانتاق» دەگەن ءسوزىن ۇمىتا الار ەمەس. سەبەبى بۇل اششى دا اقيقات ءسوز ايتىلعالى ونداعان جىل وتسە دە، قولدارىنا قالام مەن ميكروفون ۇستاپ، اقپارات مايدانىنىڭ العى شەبىندە جانتالاسىپ جۇرگەن ارىپتەستەرىمىزدىڭ جاعدايلارى ونشا وزگەرگەن جوق.
قوعام • 20 ماۋسىم، 2022
«مەنىمەن ويناماڭىز، مەن بلوگەرمىن!..»
مەملەكەت باسشىسى قاسىم-جومارت توقاەۆ ۇلتتىق قۇرىلتايدىڭ ۇلىتاۋدا وتكەن العاشقى وتىرىسىندا سويلەگەن سوزىندە: «وتباسىن اسىراۋ ءۇشىن تاباندى ەڭبەك ەتىپ جۇرگەن، زاڭعا باعىناتىن ادامدار قۇرمەتكە يە بولۋ كەرەك. وكىنىشكە قاراي، بىزدە كوشە بۇزاقىلارى، جاۋاپكەرشىلىكتەن جۇرداي بلوگەرلەر جانە ماسىلدىق پيعىلداعى ايقاي شىعاراتىن ادامدار بۇگىنگىنىڭ باتىرىنا اينالدى. دەپۋتاتتار مەن اتقارۋشى بيلىك وكىلدەرى سولارعا عانا باسا ءمان بەرەتىن بولدى. ءتۇرلى دەڭگەيدەگى شەنەۋنىكتەر سولاردىڭ عانا تالابىن ورىنداۋعا جۇگىرەدى. ورتالىقتاعى جانە ايماقتارداعى بيلىك بارلىق ازاماتتىڭ مۇڭ-مۇقتاجىنا بىردەي قاراۋعا ءتيىس»، دەپ قوعامىمىزدا كەيىنگى جىلدارى ءجيى بايقالىپ جۇرگەن كەلەڭسىز قۇبىلىسقا نازار اۋداردى.
سۇحبات • 13 ماۋسىم، 2022
نۇرلان ءابدىروۆ: سايلاۋ جۇيەسىن جەتىلدىرۋ – جاڭا قازاقستاننىڭ تالابى
بيىلعى قاڭتار ايىندا مەملەكەت باسشىسىنىڭ جارلىعىمەن ورتالىق سايلاۋ كوميسسياسىنىڭ توراعاسى بولىپ تاعايىندالعان بەلگىلى مەملەكەت جانە قوعام قايراتكەرى، زاڭ عىلىمدارىنىڭ دوكتورى نۇرلان ءابدىروۆ Egemen Qazaqstan-عا سۇحبات بەرىپ، قازىرگى تاڭداعى وزەكتى ماسەلەلەردىڭ ءبىرى – ەلىمىزدىڭ سايلاۋ جۇيەسىن جەتىلدىرۋ جونىندەگى وي-پىكىرلەرىن ورتاعا سالدى.
قوعام • 12 ماۋسىم، 2022
«اش ادامعا بالىق ەمەس، قارماق بەر»...
مەملەكەت باسشىسى قاسىم-جومارت توقاەۆ بيىلعى 11 قاڭتاردا پارلامەنت ءماجىلىسىنىڭ وتىرىسىندا سويلەگەن سوزىندە قازاقستاندىقتاردىڭ جۇمىسپەن قامتىلۋى مەن تابىسىنىڭ تومەندىگىنە ەرەكشە نازار اۋدارىپ، ۇكىمەتكە حالىقتىڭ تابىسىن ارتتىرۋ باعدارلاماسىن ازىرلەۋدى تاپسىرعانى ءمالىم. وسىعان وراي، ۇكىمەت «حالىقتىڭ تابىسىن ارتتىرۋدىڭ 2025 جىلعا دەيىنگى باعدارلاماسى» كەشەندى جوسپارىن دايىنداپ، بەكىتتى.
رەفەرەندۋم-2022 • 08 ماۋسىم، 2022
حالىق قولداۋى – باتىل وزگەرىستەرگە سەنىمدى نەگىز
ەل بيلىگىنىڭ تىزگىنى قولىنا تيىسىمەن-اق كوپشىلىك كوكەيىندەگىنى ءدوپ باسىپ، «حالىق ۇنىنە قۇلاق اساتىن مەملەكەت» تۇجىرىمداماسىن ۇسىنعان مەملەكەت باسشىسى قاسىم-جومارت توقاەۆتىڭ يگى باستامالارىنا حالقىمىز قۋانا قولداۋ ءبىلدىرىپ، زور ءۇمىت ارتتى. ەسكى مەن جاڭانى «كىلەم استىنداعى» ارپالىسقا تۇسىرگەن ساياسي جانە ەكونوميكالىق رەفورمالار قارقىنىن «قاسىرەتتى قاڭتار» وقيعاسى بارىنشا جىلدامداتىپ، كەرىتارتپا كۇشتەردىڭ ساياسات ساحناسىنان ىعىستىرىلىپ، حالىق كۇتكەن وزگەرىستەردىڭ كەڭ ءورىس الۋىنا جول اشىپ بەردى. اتا زاڭعا اسا ماڭىزدى تۇزەتۋلەر ەنگىزۋ ماقساتىندا وتكىزىلگەن رەسپۋبليكالىق رەفەرەندۋمنىڭ الدىن الا بەلگىلى بولعان قورىتىندىلارى – سونىڭ ايعاعى.