ونەر • 24 ناۋرىز, 2022
بوياۋ ادامعا نازىك ەستەتيكا سىيلايدى. اسىرەسە كەنەپتەگى كوركەمونەردىڭ جانعا بەرەر تازالىعى, مولدىرلىگى مول. كارتيناداعى الۋان تۇستەردىڭ ارپالىسى شىنايى ءومىردىڭ قۇپياسىن اشكەرەلەپ تۇرادى. بايقاساڭىز, ونداعى ءومىر بەرگى بەتتەگى ءبىزدىڭ عۇمىرىمىزدان الدەقايدا كۇردەلى, الدەقايدا شىتىرمان.
ونەر • 18 ناۋرىز, 2022
بۇل ءساتتىڭ دە ءوز بايانى بار. تابيعات ۇيقىدان ويانار شاقتا, اي ارۋدى ۇزاتىپ سالىپ, كۇن بيكەشتى قارسى الادى. ءبىر-ءبىرىن ماڭگىلىك كورە المايتىن اي مەن كۇننىڭ اراسى جاقىندار مەزەت وسى – تاڭ الاگەۋىم. قارا قىستىڭ قاتقىل تاڭى ورمانعا بارساڭىز, شەبەر سىزعان سۋرەتتەر ەرەكشە كورىنەدى. ءبىز ۇسىنىپ وتىرعان كارتينا, سول اپپاق الەمنىڭ كوشىرمەسى عانا.
ونەر • 16 ناۋرىز, 2022
ارۋ الماتىعا كوكتەم كەلگەلى قاشان, ال اسقاق استانادا ادەتىنشە قىتىمىر قىستىڭ كوبەسى سوگىلگەن جوق. جالپى, باس شاھارعا كوكتەم كەلە مە ءوزى, الدە بىردەن جايدارلى جازعا اۋىسا ما!؟ سۇلۋ قالانىڭ ساۋىردە عانا سۋىعى قايتىپ, كەربەزدەنە تۇسەتىن سەكىلدى. ايتسە دە, كوكتەمكوز بويجەتكەننىڭ, كوڭىلى كوكوراي اعانىڭ, كەۋدەسى كەنىش دوستىڭ جۇرەگىنە ناۋرىز كىرگەننەن-اق كوكتەم قونىستانىپ الادى. ال بۇل سۋرەت قىسقى استانا جايلى قىسقا عانا ءاپسانا!
ونەر • 15 ناۋرىز, 2022
مەيىرىمدى كوزىنىڭ نۇرىن توگىپ قاراعان ساتتە-اق مىناۋ ماڭعاز دۇنيەنىڭ بەتىنە قان جۇگىرەدى. انانىڭ جارقىن جانارى تاسجۇرەك تىرشىلىكتى ەركەلەتە ايمالاعاندا ادامزات بىتكەن ەرىكسىز ەلجىرەيتىنى انىق. ويتكەنى ايەل-انا ءومىر داۋىلىن جەڭەتىن كۇشكە يە. بىلەسىز بە, ءبىزدى قورشاعان ورتانى تاڭەرتەڭگى تىمىقتا كۇننىڭ كوزى عانا وسىلاي ايمالاي الاتىن شىعار.
قازاقستان • 09 ناۋرىز, 2022
جىل اينالىپ جازا بەرگىڭىز, اي اينالىپ ايتا بەرگىڭىز كەلەدى. الدا-جالدا «ماقتانشاق» دەپ بىرەۋ سوگە قالسا, مۇنى قازاقتىڭ كونتەرىلى ادەتىنە جورىڭىز. جورىڭىز دا, مۇقىم الەمگە مۇرنىڭىزدىڭ ۇشىمەن قاراڭىز. ءدال مىسىرلىقتار سەكىلدى, تۇيەمەن پيراميدالارىن ارقالاعان. ءاي, ءبىز بالكىم قادىرىن بىلمەسپىز, بۇل عاجايىپ ەۋروپادا بولسا ەندىگى ەستاندى ەتەر ەدى. شىرايلى شارىن شاتقالى, سەنى ايتىپ وتىرمىز! جەتىسۋدىڭ جەتى كەرەمەتى, ۇلان-عايىر دالانىڭ ۋىسىنداعى ءبىر عاجاپ بۇل!
ونەر • 01 ناۋرىز, 2022
الەمگە قونعان مەيىرىمدى تۇستەپ كورسەت دەسە, كوز الدىڭىزعا اناڭىزدىڭ بەينەسى كەلەرى انىق قوي. بار ىزگىلىكتى اياداي قۇشاعىنا سىيدىرعان مەيىرىم يەسىنىڭ ايالى الاقانىندا جان جىلۋى بار.
رۋحانيات • 23 اقپان, 2022
دۇنيەدە ەڭ اياۋلى كورىنىس – ءسابيدىڭ العاشقى ادىمىن باسقان ءساتى. ۇلكەن ومىرگە قاراي جىلجىعان كىشكەنتاي بالدىرعاننىڭ ەڭبەگىندە انانىڭ جان تولعانىسى جاسىرىنىپ جاتادى. اتا-انانىڭ باۋىرىنان ۇزاپ شىققان نارەستەنىڭ ەرتەڭگى ءومىرى ءاربىر باسقان قادامىنان باستاۋ السا كەرەك. جولبەلگىسىز جولداردا ءومىر باعدارشامىنا قاراماي العا ۇمتىلعان بالانىڭ تالابىندا تاعدىرىنىڭ ءمورى بار.
ونەر • 20 اقپان, 2022
جاراسىن جالاپ جازعان بورىدەي ايعا ارزۋ ايتىپ, ۇرپاعىنىڭ قامىن ويلاپ بىردە تاۋ-تاسقا جان ساۋعالاسا, بىردە اشىق كەلگەن جاۋىنا ايباتتانا قارسى شاپقان قازاقتىڭ قانىنا بىتكەن ءبىر قاسيەت – وسى اڭشىلىق ونەر. سارى سۇيەگىندە سان عاسىر بويى ساقتالىپ كەلگەن دالا ءداستۇرىنىڭ ءدارىسى ۇرپاق بويىنا سىڭگەلى قاشان... قانسوناردىڭ قىزىعى قازاق ءۇشىن بىتپەس اڭگىمە, تاۋسىلماس جىر, كوركەم كارتينا ەمەس پە؟!
ونەر • 13 اقپان, 2022
تارىققاندا تىعىرىقتان شىعارار, قامىققاندا مۇڭ تارقاتار, قۋانعاندا كوڭىلىڭدى كوكجيەكپەن استاستىرار جۇرەكتىڭ ەمى – اۋىل. بالا كۇنىندە اتا-اجەسىنىڭ اسەرلى اڭگىمەسىن تىڭداپ, ولاردىڭ ءار ايتقان ءسوزىن ساناسىنا ءسىڭىرىپ, ەل تاريحىنا قۇمارتىپ وسكەن جان سول اياداي مەكەننەن ىزگىلىك ىزدەيتىن ادەتى. كەيدە مەن دە وسى كارتيناعا قاراپ اناۋ قىراتتا قالىپ كەتكەن ءوزىمنىڭ وزەگىمدى ىزدەيمىن.
ونەر • 10 اقپان, 2022
بايىپپەن قاراساڭىز, ءبىر-بىرىنە ارقا سۇيەگەن تاۋداي ۇلتتىڭ سۇلۋ سۇلباسىن كوز الدىڭىزعا الىپ كەلەدى. ءتىپتى باۋىرىنا باسىپ جاتقان مارجانداي جانار قارىقتىرار قيىرشىقتارىن, سوناۋ شىم تۇبىندەگى جاپ-جاسىل تىرشىلىكتىڭ بىزگە بەلگىسىز ىشكى تولقىنمەن باياۋ تەربەتىلىپ تۇرعانىن اڭدايسىز. مۇنى انىق تا قانىق كورسەتكەن سۋرەتكەر. بۇل – ءموپ-ءمولدىر ايدىنعا قاراعاندا ورىن الار وقيعا-تىن. ايتسە دە…
