تەاتر • 25 ءساۋىر, 2023
ماعجان مەن زىليحا ماحابباتى – كورەي ساحناسىندا
الاشقا ادال قىزمەت ەتكەن اردا ارىستاردىڭ الىستا قالعان قاسىرەتتى تاعدىرىن ساحنا تىلىندە سۋرەتتەۋ قادامىنىڭ قايسىسى دا كورەرمەن تاراپىنان ىقىلاسسىز قالعان ەمەس. پوەزياسىندا ماحابباتقا ايرىقشا ورىن بەرىپ, سەزىم مەن سۇيىسپەنشىلىكتى تامىلجىتا جىرلاۋدان تالماي كەتكەن ماعجان جۇماباەۆ پەن جان جارى زىليحانىڭ ماحابباتىن بايانداعان الماتىداعى مەملەكەتتىك كورەي مۋزىكالىق دراما تەاترىنىڭ «ايەل ماحابباتى» سپەكتاكلى جينالعان كوپۇلتتى كورەرمەننىڭ كوڭىلىن ءبىر-اق ساتتە باۋراپ الدى. «كوزبەن كورىپ, ىشپەن بىلەتىن» ماحابباتتىڭ ءتىلىن ءتۇسىنۋ ءۇشىن ءتارجىمانىڭ كەرەگى دە جوق. باستىسى, ايەلدىڭ مولدىرەگەن تازا سەزىمى بار, مازداعان وت, جارعا دەگەن ادالدىق بار.
تەاتر • 19 ءساۋىر, 2023
ادامزات ىزگىلىككە ۇمتىلماسا, اقىرزامان باستالادى
ايگىلى شىڭعىس ايتماتوۆتىڭ «كاسساندرا تاڭباسى» رومانى ءوز ۋاقىتىندا ادەبيەتكە دۇبىرلەپ كەلگەنى, جاڭا شىعارمانىڭ جارىققا شىعا سالا «جان پيدا», «عاسىردان دا ۇزاق ءتۇن» شىعارمالارىمەن قاتار اتالا باستاعانى ەسىمىزدە. الەمنىڭ ورەسى بيىك وقىرمانى ادامزات الدىندا تۇرعان ەكولوگيا جانە رۋحاني اپاتقا قارسى ازاماتتىق-جازۋشىلىق پارىزبەن ءۇن قوسقان وزگەشە ينتەللەكتۋالدىق-فيلوسوفيالىق شىعارما ەكەنىن تانىپ, وزەكتىلىگىنە ءمان بەرسە, ەندى ءبىرى ءدىني-ميفولوگيالىق ماڭىزىنا سوققى بەرىپ, فانتاستيكالىق-ميستيكالىق سارىنى توڭىرەگىندەگى سىني پىكىرىن جارىسا جاريالاپ جاتتى. بۇل شىعارماشىلىعىن جەڭىل دۇنيەمەن شيىرلامايتىن كەمەل ش.ايتماتوۆتىڭ «ۇلتتىق» دەگەن دەڭگەيدەن بيىكتەپ, الەمدىك ىزگىلىكتى, جالپىادامزاتتىق قۇندىلىقتى قاۋزاپ جۇرگەن تولىسقان شاعى-تىن.
كورمە • 17 ءساۋىر, 2023
«پەرىشتە ءىزى» – شەبەر مەن شاكىرت تارتۋى
اتا-بابادان مۇرا بولىپ كەلگەن ءتورت ت ۇلىكتىڭ پاديشاسى جىلقى جانۋارىنىڭ ءا.قاستەەۆ اتىنداعى ونەر مۋزەيىنىڭ كەڭ زالىنا ءۇيىر-ۇيىرىمەن جوسىلا كەلگەن ءساتىن الماتىلىقتار العاش رەت كوردى. «ىشسە – سۋسىن, جەسە – ازىق, مىنسە – كولىك» قامبار اتا ت ۇلىگى قىلقالام شەبەرلەرىنىڭ سۋرەتتەۋىندە ءار قىرىنان اشىلىپ, ءبىر تاقىرىپتى جىرلاۋدىڭ مۇنشاما مول باي ۇلگىسىنە ەرىكسىز ءتانتى بولدى. جاعالاتا ىلىنگەن كارتينالارداعى مولدىرەگەن جىلقىنىڭ جانارىنا قاراعان ادامنىڭ بويىنا قانات ءبىتىپ, جۇرەگىندە رۋح وياندى. باۋىر ەتى بالاسىنا «ق ۇلىنىم» دەپ ەمىرەنگەن قازاق پەن جىلقىنىڭ ورتاق قاسيەتىن, جاقىندىعىن سەزىندىرگەن كورمە «Izder Iv/پەرىشتە ءىزى» دەپ اتالادى.
ونەر • 12 ءساۋىر, 2023
ا.سەلەزنەۆ اتىنداعى الماتى حورەوگرافيالىق ۋچيليششەسى حورەوگرافيالىق وقۋ ورىندارى اراسىنداعى VIII «ورلەۋ» حالىقارالىق بايقاۋىن وتكىزدى. بۇل حالىقارالىق بايقاۋ الەمنىڭ جەتەكشى بالەت مەكتەپتەرى اراسىنداعى حالىقارالىق بايلانىستى دامىتىپ, نىعايتۋ ماقساتىندا 2008 جىلدان بەرى ۇيىمداستىرىلىپ كەلەدى.
سۇحبات • 05 ءساۋىر, 2023
ەسەتجان قوسىباەۆ: بىزگە كينەماتوگرافيا كوميتەتى كەرەك
ناۋرىز ايىنىڭ باسىندا ۇلتتىق كينونى قولداۋ مەملەكەتتىك ورتالىعى ۇلتتىق فيلمدەر دەپ تانىلۋعا ءۇمىتتى كينوجوبالاردى ىرىكتەۋ ءۇشىن كەزەكتى, اتاپ ايتقاندا بەسىنشى رەت وتىنىمدەر قابىلداۋدى جاريالادى. ورتالىق جۇمىسىنداعى جاڭالىقتاردى بولىسكەن «ۇكقمو» كەاق باسقارما توراعاسى ەسەتجان قوسىباەۆپەن جۇرگىزىلگەن اڭگىمەدە تالقىلاناتىن ماسەلەلەر اۋقىمى الدەقايدا كەڭ ەكەنى اڭعارىلدى.
تەاتر • 31 ناۋرىز, 2023
رەسپۋبليكالىق شەڭبەردەن شىعىپ, حالىقارالىق دەڭگەيدى قامتىپ, تەاتر ونەرى مەن ساحناداعى جەتىستىكتى بايانداپ, باق سىنايتىن اۋقىمدى فەستيۆالدەردىڭ الامانى الدىمەن ءوز شاعىن الاڭىن باعىندىرۋدان باستالىپ جاتادى. بۇل بايگەنىڭ ءبارى ءوز ونەرىن وزگەمەن سالىستىرىپ, جاڭاشىلدىققا ۇمتىلىپ, تاجىريبە الماسىپ, ءبىرتۇتاس ونەر كەڭىستىگىن جاساۋ ءۇشىن ماڭىزدى دا. ع.مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترى بيىلعى ماۋسىم كەزەڭىن بيىك جەتىستىكتەرمەن تۇيىندەگەنىن 5-رەت وتكىزىلىپ وتىرعان «التىن ساقا» تەاترىشىلىك فەستيۆالىمەن كورسەتتى. العاش 2016 جىلى «التىن ساقا» بالالار سپەكتاكلدەرىنىڭ بايگەسى بولىپ باستاۋ الىپ, جاڭا قويىلىمداردىڭ تەاترىشىلىك فەستيۆالى دەپ جالعاسىن تاپقان بۇل فەستيۆال ءتورت جىل قاتارىنان وتكەن سوڭ الەمدىك پاندەميا سالدارىنان توقتاپ قالىپ, اراعا ءۇش جىل سالىپ, بيىل تەاترمەن قايتا قاۋىشتى. تەاتردىڭ 70-كە تارتا ءارتىسى اراسىندا ءبىر جىل اياسىندا ساحنالانعان سپەكتاكلدەگى رولدەر بويىنشا جۇلدەلەر ساراپقا سالىنىپ, ءتۇرلى ارنايى اتالىمدار بويىنشا جۇيرىكتەر انىقتالىپ, اقشالاي جانە ارنايى ديپلومدارمەن ماراپاتتايتىن ءۇمىت پەن شابىت سىيلايتىن شىعارماشىلىق ءداستۇر بۇل.
ونەر • 30 ناۋرىز, 2023
تۇركىتىلدەس حالىقتاردىڭ مادەنيەتى مەن ونەرىن دامىتۋ حالىقارالىق ۇيىمى 2023 جىلدى «تەمىربەك جۇرگەنوۆ جىلى» دەپ جاريالاعانى بەلگىلى. وسىعان سايكەس, ەسىمى مەن ەڭبەگى قازاق حالقىنا عانا ەمەس, ورتالىق ازيا حالىقتارىنا ورتاق بىرەگەي تۇلعانى ۇلت بولىپ ۇلىقتاۋ ءىس-شارالارىن رەسپۋبليكالىق, حالىقارالىق دەڭگەيدە ۇيىمداستىرۋ قولعا الىنىپ, جىل كولەمىندە تەمىربەك جۇرگەنوۆتىڭ ءومىرى مەن شىعارماشىلىعىن كەڭىنەن ناسيحاتتاۋدىڭ جوبالارى بەكىتىلدى.
تەاتر • 30 ناۋرىز, 2023
حالىقارالىق تەاتر كۇنى مەرەكەسى كوكتەممەن, جاقسىلىقتىڭ جارشىسى, جاڭا جىلدىڭ باستاۋى ناۋرىزبەن بىرگە كەلىپ جەتەدى. اسىرا ايتقاندىق ەمەس, ەلدەگى ەڭ ەسكى تەاترلاردىڭ ءبىرى, الداعى جىلى تورقالى توقسان جاسىن قارسى العالى وتىرعان الماتى مەملەكەتتىك قۋىرشاق تەاترى بالالارعا ارنالعان بارلىق ونەر مەكەمەلەرىنىڭ ىشىندەگى ماڭدايالدىسى. تەاتردىڭ كيىم ىلگىشتەن باستالاتىنىن ءبارى بىلەدى, بىراق شىمىلدىق سىرتىنداعى ساحنا ءومىرى ەكىنىڭ بىرىنە قۇپياسىن اشا بەرمەيدى. كىشكەنتاي كورەرمەننىڭ كوز الدىندا الەمدى سيقىرعا اينالدىرىپ جىبەرەتىن سيرەك ماماندىق يەلەرى كاسىبي مەرەكەسىنە وراي كىشكەنتاي كورەرمەندەرى مەن ءباسپاسوز وكىلدەرىن شاقىرىپ, ارنايى تانىستىرۋ تۋرىن جاسادى. تىلشىلەردى شاقىرىپ, تانىستىرۋ ماقساتى – جۇمباق ءارى تىلسىمعا تولى قۋىرشاق تەاترى جۇمىسىنىڭ كوپ قىرلى ەكەنىن كورسەتۋ.
ونەر • 20 ناۋرىز, 2023
قوڭىرقوجانىڭ ءتورت تارلانى – ۇلتتىق ونەردىڭ الاسارماس بيىگى
قازاق كينوسىنىڭ تولقۇجاتىنا اينالعان ايگىلى «قىز جىبەك» ءفيلمىن تۇسىرگەن سۇلتان قوجىقوۆتىڭ وتاندىق كينونى دامىتۋداعى ەڭبەگى ءوز الدىنا, ول شىر ەتىپ دۇنيەگە كەلگەن دەگدار وتباسى شىعارماشىلىق ورداسىنا اينالىپ, ۇلتتىق ونەردى ورگە سۇيرەگەن تارپاڭ تالانتتاردىڭ ۇياسى بولعانى ءسوز ورايى كەلگەندە ايتىلىپ قالاتىنى بولماسا, اۋلەتتىڭ رۋحاني الەۋەتىنەن قالىڭ جۇرت تەگىس حاباردار دەپ ايتۋ قيىن.
قوعام • 14 ناۋرىز, 2023
الماتىداعى ورتالىق مەملەكەتتىك مۋزەي العاش رەت ءدامى ءتىل ۇيىرەتىن ءتاتتى تورتتاردىڭ توپتاماسىن كوپشىلىككە تارتۋ ەتتى. «تورت مۋزەيى» اتالاتىن كورمەدە بارماعىنان الماتىلىق بال تامعان كونديتەرلەردىڭ ەكسكليۋزيۆتى اۆتورلىق تورتتارى توپتاستىرىلعان. كورمەگە قاتىسقان جەرگىلىكتى شەبەرلەر ءتۇرلى ديزاينداعى, الۋان ءپىشىن مەن ولشەمدەگى 40-تان استام تورتتىڭ ءتۇرىن جاساۋعا نيەت ءبىلدىرىپ, ءتاتتىنى ناعىز ونەر تۋىندىسىنا اينالدىرعان.
