ايگۇل احانبايقىزى«Egemen Qazaqstan»
ونەر • 24 قازان, 2024
جەر – انا بولسا, اسپان – اكە ىسپەتتى, ءبىرىن-ءبىرى اينالعان ەگىز كەڭىستىك اراسى ەندىك پەن بويلىقتارمەن ۇشتاسىپ جاتسا دا, جەر بەتىنىڭ جۇمباعى مەن زاڭدىلىعى سوناۋ زەڭگىر كوكتەن باسقارىلاتىنداي, ادام بالاسى اسپاندى قۇدىرەتتى ساناعان ادەتىنەن ءالى جاڭىلىسقان جوق. كۇن سايىن ارايلاپ اتاتىن تاڭ مەن كەشكە مۇنارتىپ باتاتىن كۇننىڭ مەكەنى دە كوك اسپان. جيەگى كورىنبەيتىن شەتسىز-شەكسىز اسپاندى پەرىشتەلەر كوكتەپ جۇرەدى دەگەن سەنىممەن بالا بىتكەن كوزى تالعانشا كوككە قادالىپ, ارمانىن اسپانعا قاراپ ايتادى. اسپان – ەركىن الەم, ارمان مەن قيالدى توعىستىرىپ, توڭكەرىلىپ تۇسكەن كوك تەڭىز.
