ەلشىلەر سەنىمى جوعارى

كەشە اقوردادا مەملەكەتتىك حاتشى گۇلشارا ابدىقالىقوۆا اۆستراليانىڭ, يرلانديانىڭ, بەنين رەسپۋبليكاسىنىڭ, سيريا اراب رەسپۋبليكاسىنىڭ جانە ەفيوپيا فەدەراتيۆتىك دەموكراتيالىق رەسپۋبليكاسىنىڭ قازاقستاندا توتەنشە جانە وكىلەتتى ەلشى قىزمەتىن قوسا اتقارۋشى ديپلوماتتاردان سەنىم گراموتالارىن قابىلدادى. العاش بولىپ سەنىم گرامو­تاسىن اۆستراليا ەلشىسى پيتەر مارتين تەش تاپسىردى. ەلشىمەن كەز­دەسۋدە گ.ابدىقالىقوۆا قازاق­ستان ءۇشىن اۆستراليا ازيا-تىنىق مۇحيتى وڭىرىندەگى ماڭىزدى سەرىكتەس بولىپ سانالاتىنىن اتاپ ءوتتى. سونداي-اق, استانا كانبەررامەن ىنتىماقتاستىقتى كەڭەيتۋگە جانە تەرەڭدەتۋگە زور ءمان بەرەتىنىنە نازار اۋدارىپ, 2015 جىلى ەكى ەل اراسىنداعى جال­پى ساۋدا اينالىمى 74,2 ميل­ليون دوللار بولعانىن تىلگە تيەك ەتتى. ءوز كەزەگىندە پ.تەش اۆس­تراليانىڭ قازاقستاننىڭ الەمدىك سايا­ساتتاعى ۇستانىمدارىن قول­دايتىنىن ايتىپ, تاۋ-كەن, اۋىل شارۋاشىلىعى, ءبىلىم جانە ينفرا­قۇ­رىلىم سالالارىندا بىرلەسىپ اتقاراتىن جۇمىستىڭ كوپ ەكەنىنە توقتالدى. ال يرلانديا ەلشىسى ەدريان ماكدەيدتەن سەنىم گراموتاسىن قابىلداۋ بارىسىندا مەملەكەتتىك حاتشى ەكىجاقتى قارىم-قاتىناستار سەرپىندى دامىپ كەلە جاتقانىن ايتتى. قازاقستاننىڭ يرلانديامەن ىنتىماقتاستىقتى دامىتۋعا جانە ەكىجاقتى شارتتىق-قۇقىقتىق با­زا اياسىن كەڭەيتۋگە ەرەكشە نازار اۋداراتىنىن نازارعا العان گ.ءاب­دىقالىقوۆا ەكى ەلدىڭ سالىق قىز­مەتتەرىنىڭ اراسىنداعى قوسار­لانعان سالىق سالۋدان باس تارتۋ تۋرالى كونۆەنتسيا بويىنشا كەلىس­سوزدەر قورىتىندىسىنا قاناعات­تانۋشىلىق ءبىلدىردى. سونداي-اق, مەملەكەتتىك حاتشى يرلانديا تاراپىنا بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە قازاقستاننىڭ كانديداتۋراسىن قولداعانى ءۇشىن العىس ايتتى. باق وكىلدەرىنە بەرگەن سۇح­باتىندا ە.ماكدەيد: «مەن ءۇشiن قازاقستاندا ەلشi بولىپ قىزمەت ەتۋ – ۇلكەن قۇرمەت. بۇگىن مەن سەنiم گراموتاسى ارقىلى يرلانديا پرەزيدەنتiنiڭ قازاقستان باسشىسىنا جولداعان قۇتتىقتاۋى مەن يگi تiلەكتەرiن جەتكiزگiم كەلەدi. قازىرگى تاڭدا ءبىزدىڭ ەكiجاقتى ىنتى­­ماق­تاستىعىمىز جاقسى دەڭ­گەيدە. ال­داعى ۋاقىتتا قارىم-قاتىنا­سى­­مىزدى ودان ءارi نىعايتۋعا ءمۇم­كiن­­دiك زور. سوندىقتان, وسى باعىتتا تالماي ەڭبەك ەتۋگە دايىنمىن», – دەدى. بەنين رەسپۋبليكاسىنىڭ ەل­شىسى انيسەت گابريەل كوچوفا­دان سەنىم گراموتاسىن قابىلداۋ كەزىندە مەملەكەتتىك حاتشى قازاق­ستان افريكاداعى ساياسي جانە ەكو­نو­ميكالىق ۇدەرىستەردى مۇ­قيات باقىلاپ وتىراتىنىن جانە قۇر­لىق ەلدەرىمەن بايلانىستى كەڭەيتۋگە مۇددەلى ەكەنىن اتاپ ءوتتى. گ.ابدىقالىقوۆا اتالعان مەم­لەكەتتىڭ ەلشىسىنە قازاقستان پرە­زيدەنتىنىڭ شتاب-پاتەرى اس­تا­نا­دا ورنالاساتىن ازىق-ءتۇ­لىك قاۋىپ­سىزدىگى جونىندەگى يسلام ۇيىمىن قۇرۋ تۋرالى يدەياسىن قول­داعانى ءۇشىن ريزاشىلىق ءبىلدىردى. جۋرناليستەر الدىندا جاساعان مالىمدەمەسىندە ا.كوچوفا ءوزىنىڭ ماسكەۋدە وقىعانىن, سول سەبەپتى قازاقستاندى ستۋدەنت كەزىنەن جاقسى بىلەتىنىن ايتتى. ودان بولەك, ەلشى ۋنيۆەرسيتەت قابىرعاسىندا ءدارىس وقىعان كەزىندە ەڭ دارىندى شاكىرتتەرى قازاقستاننان بولعانىن دا ەسىنە الدى. سوندىقتان دا بۇل كۇندى ومىرىندەگى ەڭ باقىتتى ءسات­تەر­دىڭ بىرىنە بالاعان ول قازاقستان سىن­دى ۇلى مەملەكەتتە قىزمەت ەتە­تىنىنە قۋانىشتى ەكەنىن جەتكىزدى. سيريا اراب رەسپۋبليكاسىنىڭ ەلشىسى رياد حاددادتان سەنىم گرا­­مو­تاسىن قابىلداعاننان كە­يىن گ.ابدىقالىقوۆا قازاقستان حالىق­ارا­لىق قوعامداستىقتىڭ, سونداي-اق, سيريا بيلىگى مەن وپپوزيتسياسىنىڭ زورلىق-زومبى­لىق پەن قانتوگىستى تەز ارادا توق­تاتۋ ءۇشىن ءوزارا مامىلەگە كەلۋ ارقىلى ەلدىڭ ساياسي بولاشاعىن ايقىنداۋعا جۇمساعان كۇش-جىگەرىن قولدايتىنىن ايتتى. مەملەكەتتىك حاتشى بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگىنە ۇسىنىل­عان قازاقستاننىڭ كانديداتۋراسىنا قولداۋ كورسەتكەنى ءۇشىن سيريا تاراپىنا دا ريزاشىلىق ءبىلدىردى. سونىمەن قاتار, قازاقستان مەن سيريا اراسىندا سان عاسىرلىق ءداستۇرلى بايلانىس ورنىققانىنا جانە كورنەكتى تۇلعالار – ءابۋ ناسىر ءال-فارابي مەن سۇلتان ءاز-زاحير بەيبارىستىڭ ەكى حالىق اراسىنداعى دوستىق قارىم-قاتى­ناستىڭ سيمۆولى بولىپ تابىلاتىنىنا نازار اۋداردى. ءوز كەزەگىندە ر.حادداد «قازاق­ستان ۇكiمەتi ەۋرازيالىق ەكونو­ميكالىق وداققا قوسىلۋ تۋرالى باستامامىزدى قولدايدى دەگەن ويدامىز. سونداي-اق, قازاقستان ۇكiمەتi ساياساتتاعى باعىتىمىزعا دا قولداۋ تانىتاتىنىنا ۇمiتتەنەمiز. بۇل بiزدiڭ ەلدەگى داعدارىستى ەڭسەرۋ ءۇشiن اسا قاجەت. بۇعان قوسا, لاڭكەستiككە قارسى كۇرەستە دە قازاقستاننىڭ ءبىزدى قولدايتىنىنا ءۇمiت بiلدiرەمiز», – دەدى. سونىمەن قاتار, ەفيوپيا فەدەراتيۆتىك دەموكراتيالىق رەسپۋبليكاسىنىڭ ەلشىسى ايالەۆ گوبەزي ۆوركنەدەن سەنىم گراموتاسىن قابىلداعان گ.ابدىقالىقوۆا قازاقستاننىڭ افريكا قۇرلىعىنا قاتىستى سىرتقى ساياساتىندا ەفيوپيانىڭ ايرىقشا ورىن الاتىنىن ايتتى. ەكىجاقتى ىنتى­ماق­تاستىقتى جانداندىرۋ ماقساتىمەن 2014 جىلى ادديس-ابەبادا قازاق­ستاننىڭ ەلشىلىگى اشىلعانىن جەتكىزگەن مەملەكەتتىك حاتشى ەفيوپيا حالقىن الداعى 25 مامىر – افريكا كۇنىمەن, سونداي-اق, 28 مامىردا اتاپ وتىلەتىن ەفيوپيا دەموكراتيالىق كۇشتەرى جەڭىسىنىڭ 25 جىلدىعىمەن قۇتتىقتادى. شەت مەملەكەتتەردىڭ ەلشىلەرى كەڭ اۋقىمدى ماسەلەلەر بويىنشا بايلانىستاردى, سونىڭ ىشىندە قارجى, مۇناي-گاز, ازىق-ت ۇلىك ءوندى­رۋ, بالامالى قۋات كوزدەرى جانە تا­عى باسقا سالالارداعى ىنتى­ماق­تاستىقتى كەڭەيتۋگە مۇددەلى ەكەندىكتەرىن ءبىلدىردى. گ.ءاب­دى­قالىقوۆا اتالعان مەملەكەتتەردىڭ توتەنشە جانە وكىلەتتى ەلشىلەرىنىڭ جۇمىسى ەلدەرىمىز اراسىنداعى ىنتىماقتاستىقتى جانداندىرۋعا سەپتىگىن تيگىزەتىنىنە سەنىم ءبىلدىرىپ, ولاردى استانا قالاسىندا وتەتىن حالىقارالىق مامانداندىرىلعان ەكسپو-2017 كورمەسىنىڭ جۇمى­سىنا قاتىسۋعا شاقىردى. ەلامان قوڭىر, «ەگەمەن قازاقستان»