• 14 مامىر, 2016

«ليرادان» تونەتىن قاۋىپ بار ما؟

380 رەت

كورسەتىلدى

2 مين

وقۋ ءۇشىن

Egemen Qazaqstan

الماتى قالاسىندا ەنەرگەتيكا مينيسترلىگىنىڭ قۇزىرىنا كىرەتىن يادرولىق فيزيكا ينستيتۋتى جۇمىس ىستەيدى. بۇل ينستيتۋت 1957 جىلى حالقىمىزدىڭ ءبىرتۋار ۇلى, اكادەميك قانىش ساتباەۆتىڭ باستاماسىمەن قۇرىلعان ەكەن. رەسپۋبليكا اۋماعىندا ونىڭ ءۇش مەكەمەسى بار بولسا, سونىڭ ءبىرى كەنشىلەر قالاسى – اقسايدا ورنالاسقان. بۇل نىسان «ليرا» دەگەن اتاۋعا يە. بۇعان دەيىن جەرگىلىكتى تۇرعىندار ونى رادياتسيالىق ساۋلە تاراتادى دەگەن ويدا بولىپ كەلگەنى جاسىرىن ەمەس. ەكىنشىدەن, ولار كەزىندە وسىنداي قاۋىپتى دەپ سانالاتىن ءارى اتقاراتىن قىزمەتى كوپشىلىككە تۇسىنىكسىزدەۋ نىساننىڭ قانداي قاجەتتىلىگى بار دەگەن ۇسىنىس-پىكىرلەرىن دە قوسا ءبىلدىرگەن بولاتىن. كوپشىلىكتى تولعاندىرىپ, ءارى الاڭداتىپ كەلگەن وسىنداي ساۋالدارعا ورال وڭىرىنە كەلگەن ساپارى كەزىندە گازەت ءتىلشىسىنە يادرولىق فيزيكا ينستيتۋتىنىڭ باس ديرەكتورى سايانبەك ساحيەۆ ءتيىستى جاۋاپتار قايتاردى. ونىڭ ءتۇپ-توركىنى تومەندەگىدەي. ياعني, ونىڭ مالىمدەۋىنشە, اتالعان ينستيتۋتتىڭ باستى ماقساتى رادياتسيالىق قاۋىپسىزدىكتى قامتاماسىز ەتۋگە جانە رەاكتورلىق زەرتتەۋلەر جۇرگىزۋگە باعىتتالعان. سونىمەن بىرگە, ينستيتۋت جانىندا كەشەندى ەكولوگيالىق زەرتتەۋلەر ورتالىعى جۇمىس ىستەيدى. بار بولعانى وسى عانا. مۇندا تۇرعان ەشقانداي قۇپيا جوق. ءتىپتى, كەلەمىن, كورەمىن دەگەن ازاماتتار ءۇشىن ءبىزدىڭ ينستيتۋتتىڭ دا, «ليرا» نىسانىنىڭ دا ەسىگى قاشان دا اشىق, دەدى ول. يادرولىق فيزيكا ينستيتۋتى باس ديرەكتورىنىڭ سوزىنەن تاعى ءبىر ۇققانىمىز, بيىل «ليرانىڭ» قۇرىلعانىنا 18 جىل تولىپ وتىر ەكەن. وسى ۋاقىت ارالىعىندا مۇندا ادام ومىرىنە قاۋىپ تۋعىزاتىنداي تەرىس ەكولوگيالىق كورىنىستەر تىركەلمەپتى. ينستيتۋت باسشىسى الداعى ۋاقىتتا دا مۇنداي جاعدايلار ورىن المايتىنىنا سەنىم ارتا الادى. ەندەشە, لايىم دا سولاي بولا بەرسىن دەمەكپىز. تەمىر قۇسايىن, «ەگەمەن قازاقستان» باتىس قازاقستان وبلىسى, ءبورلى اۋدانى