ماقتاارالدا شيت سەبۋ باستالدى

ماقتاارال اۋدانىندا كوك­تەمگى ەگىس جۇمىستارى قارقىن الدى. اۋداندا جالپى سۋارمالى ەگىستىك القاپ 136,4 مىڭ گەكتاردى قۇراسا, بۇگىنگى تاڭدا 12130,5 گەكتار جەرگە باقشا, 810 گەكتار جەرگە داندىك جۇگەرى, 227 گەكتار جەرگە كۇنباعىس ەگىلدى. ال, اۋدان اۋىل شارۋاشىلىعى سالاسىنىڭ نەگىزىن قۇرايتىن ماقتانى 83 مىڭ گەكتار جەرگە ەگۋ جوسپارلانۋدا. جۋىردا اۋداننىڭ ەراليەۆ اۋىلدىق وكرۋگىندەگى «نۇرالى جول – ج» شارۋا قوجالىعى ەگىستىك القابىندا ماقتاشىلار باس قوسىپ, سەمينار-كەڭەس ءوتتى. سەمينار-كەڭەستە اتالعان شارۋا قوجالىعىنىڭ توراعاسى ەربول ەراليەۆ ۇستىمىزدەگى جىلى 190 گەكتار القاپقا ماقتا شيت ورنالاستىراتىندىقتارىن ايتىپ, وسى سالاداعى وزدەرىنىڭ وزىق ءىس-تاجىريبەلەرىمەن ءبولىستى. جيىندا ماقتاارال اۋدانىنىڭ اكىمى جامانتاي بەيسەنباەۆ, وبلىستىق اۋىل شارۋاشىلىعى باسقارماسىنىڭ باسشىسى سەرىك تۇربەكوۆ, «قازاق ماقتا عىلىمي-زەرتتەۋ ينستيتۋتى» جشس باسشىسى يبادۋللا ۇمبەتاەۆ, «قازاق سۋ شارۋاشىلىعى عىلىمي-زەرتتەۋ ينستيتۋتى» جشس باسشىسى نۇرلان بالعابەكوۆ, اۋىل شارۋا­شى­لىعى سالاسىنىڭ ارداگەرى بەگىم سەرىكوۆ, تاعى باسقالار ماق­تا شارۋاشىلىعىن دامىتۋداعى ءتۇيت­كىلدى ماسەلەلەر مەن ولاردى شەشۋدىڭ جولدارى جونىندەگى ءوز وي-پىكىرلەرىن ورتاعا سالدى. سەمينار-كەڭەسكە قاتىسۋشى ماقتاشىلار «نۇرالى جول – ج» شارۋا قوجالىعىنىڭ ەگىسكە جەردى دايىنداۋ جانە ماقتا ءشيتىن ورنالاستىرۋ جۇمىسى بارىسىمەن تانىستى. وسى كۇننەن باستاپ, ماقتا­ارال­دىقتار ماقتا ءشيتىن سەبۋگە جاپپاي كىرىستى.  اسقار ومارحانوۆ, جۋرناليست  وڭتۇستىك قازاقستان وبلىسى, ماقتاارال اۋدانى