• 14 مامىر, 2016

ارداگەرلەردى قۇتتىقتادى

822 رەت

كورسەتىلدى

1 مين

وقۋ ءۇشىن

Egemen Qazaqstan

ۇلى وتان سوعىسىنداعى جەڭىستىڭ 71 جىلدىق مەرەكەسى اياسىندا قازاقستان حالقى اسسامبلەياسىنىڭ مۇشەسى, «احىسكا» تۇرىك ەتنومادەني بىرلەستىگىنىڭ توراعاسى, الماتى قالاسى ءماسليحاتىنىڭ دەپۋتاتى زياتدين قاسانوۆ ءوزى دەپۋتاتتىققا سايلانعان الاتاۋ اۋدانى 26-شى وكرۋگىنىڭ ارداگەرلەرىن جەڭىس كۇنىمەن قۇتتىقتادى. مەرەكە كۇنى زياتدين قاسانوۆ ارداگەر اتالار مەن اپالاردىڭ شاڭىراقتارىنا ارنايى باس سۇعىپ, ۇلى جەڭىستىڭ سيمۆولى – قالامپىر گۇلدەرىن, ازىق-ت ۇلىككە تولى سەبەتتەر جانە قارجىلاي كومەگىن تابىس ەتتى. ول ءوزىنىڭ قۇتتىقتاۋ سوزىندە بۇگىنگى ۇرپاقتىڭ اشىق اسپان اياسىنداعى تىنىش, مامىرا-جاي ءومىرى كەشەگى قيانكەستى سوعىستا ەلى, جەرى, كەلەشەگى ءۇشىن جاۋمەن ايانباي ارپالىسقان ارداگەرلەردىڭ ەرلىگىنىڭ ارقاسىندا كەلگەنىن, سول بابالارىمىزدى ارقاشاندا ماقتان تۇتىپ, قۇرمەتتەيتىندىگىن ايتىپ ءوتتى. كوزدەرىنە جاس ۇيىرىلگەن ارداگەرلەر بىرلەستىك توراعاسىنا العىستارىن ءبىلدىرىپ, اق باتالارىن بەرىپ, ەندى ەشقاشان سوعىستىڭ بولماۋىن, زامانىمىزدىڭ تىنىشتىعى مەن ەلدىڭ اماندىعىن تىلەيتىندىكتەرىن جەتكىزدى. گۇلزەينەپ سادىرقىزى, «ەگەمەن قازاقستان» الماتى