بوكسشىنىڭ قانىنان تىيىم سالىنعان مەلدوني زاتى انىقتالعاننان كەيىن وعان جەلتوقسان ايىنا دەيىن ديسكۆاليفيكاتسيا بەرىلگەن. بۇل جاعداي وتكەن جىلى كۋبالىق بوكسشى ەريسلاندي لارامەن جوسپارلانعان جەكپە-جەك الدىندا بەلگىلى بولعان.
قازىرگى تاڭدا ءالىمحان ۇلى WBO نۇسقاسى بويىنشا ورتا سالماقتاعى الەم چەمپيونى اتاعىن ساقتاپ وتىر. ونىڭ اپەللياتسياسى ۇيىمنىڭ ارنايى كوميسسياسىندا قارالۋدا. WBO وكىلدەرى سوڭعى شەشىم جاقىن ۋاقىتتا قابىلداناتىنىن ايتىپ, ديسكۆاليفيكاتسيا وزگەرىسسىز قالۋى دا, قىسقارۋى دا نەمەسە تولىق جويىلۋى دا مۇمكىن ەكەنىن مالىمدەدى.
وسى ۋاقىت ىشىندە WBO ۋاقىتشا چەمپيوندىق تيتۋل ەنگىزدى. ونى بريتاندىق بوكسشى دەنزەل بەنتلي جەڭىپ الىپ, باستى ۇمىتكەرلەردىڭ بىرىنە اينالدى. ەندى ۇيىم بەنتلي مەن جوعارى رەيتينگتەگى كۋبالىق بوكسشى يوەنليس ەرناندەس اراسىندا جەكپە-جەك ۇيىمداستىرۋدى جوسپارلاپ وتىر.
ەگەر ءالىمحان ۇلى اپەللياتسيادا جەڭىسكە جەتسە, وندا WBO ونى بىردەن بەنتليمەن چەمپيوندىق جەكپە-جەككە شىعارۋى مۇمكىن. بۇل جاعدايدا ەرناندەس كەلەسى مىندەتتى قارسىلاس رەتىندە كەزەگىن كۇتەدى.
ايتا كەتەيىك, تەرگەۋ ناتيجەسىندە جانىبەك ءالىمحان ۇلى IBF نۇسقاسى بويىنشا چەمپيوندىق بەلبەۋىنەن ايىرىلعانىمەن, WBO تيتۋلىن ساقتاپ قالدى.
